Unes 400 persones, según los datos facilitaos polos convocantes, celebraron n’El Remediu’l Día Mundial del Mediu Ambiente (5 de xunu) con un actu-protesta. Esti pueblu navetu ye ún de les más afeutaos del país poles llinies d’alta tensión.
Esti martes va tener llugar en Ciañu la presentación de la xira ‘De lo fondero l’alma’ de Marisa Valle Roso, nome que recibe tamién el so primer trabayu en solitariu. La cantante de tonada va tocar esti mes en Llanes, L’Entregu, Cangas y Mieres.
La fusión de la Romería Asturiana que tenía llugar en mayu en Bimenes cola Fiesta de la Oficialidá da como resultáu la Romería de la Oficialidá. Nesta primer edición va adelantase al 16 de xunu pa nun coincidir col Festival de la Sidra de Nava.
Un moción presentada por UNA-Bloque en Carreño pa declarar a Jesús Sanz persona non grata nel conceyu salió alantre col apoyu del PSOE, IX, PCPE y UICA. La razón, la so defensa al obispu d’Alcalá poles sos declaraciones sobre los gais.
La priesa del Executivu –yá en funciones– d’Álvarez-Cascos pa tramitar les fases de consultes pal estudiu d’impautu ambiental del proyeutu de la mina de Tapia sorprende a la Coordinadora. Afirma que quixo dexar atada la esplotación d'oru en Salave.
Los músicos que conformen la banda fusión La Tarrancha yá tan trabayando no que va ser el so tercer trabayu d’estudiu. Ésti lleva’l nome de ‘Mezigayuska’, xuegu de pallabres col que definen el so estilu musical propiu.
El Constitucional tornó un recursu d’inconstitucionalidá contra un artículu de la Llei d’apoyu a les seleiciones catalanes del Parlament. D’esta forma, Catalunya va poder competir de forma oficial en disciplines que nun tengan federación española.
Miles de persones participaron na mañana del xueves nuna manifestación en Madrid en defensa de la minería del carbón, protesta na que se dexaron notar más de 3.000 asturianos. Reclamen al Gobiernu que cumpla colos sos compromisos.
El sindicatu educativu SUATEA esixe al Executivu de Javier Fernández la creación de la especialidá d’asturianu, lo que, recuerda, “nun ye más qu’una cuestión de voluntá política”. Tamién reclama’l cumplimientu de la Llei d’Usu.
Los sindicatos CC OO y UXT, al ver “la postura cerrisca” del Gobiernu, decidieron convocar una fuelga indefinía nel sector del carbón dende’ l vienres. El tresporte per carretera asturianu entamará otra del mesmu calter el llunes.
