La Llei Orgánica pa la Meyora de la Calidá Educativa que promueve’l ministru Wert y l’actitú del PSOE pa cola llingua asturiana esmolez a la XDLA. El coleutivu cree que va perxudicar enforma l’enseñu de Llingua Asturiana, yá precariu.
El BOPA d’esti miércoles espublizó’l recorte a les subvenciones a entidaes llocales, que namái afeuta a los servicios de normalización llingüística. La mengua ye d’un 17 por cientu al pasar de los 92.400 euros previstos en mayu a 76.700.
El Partido Popular (PP) tumbó les once enmiendes a la totalidá de los Presupuestos Xenerales del Estáu gracies a la so mayoría absoluta. Namái tuvo’l sofitu de la Unión del Pueblo Navarro (UPN), mentes que Foro astúvose na votación.
Grandes y pequeños van disfrutar esti vienres d’un amagüestu en L’Entregu. El CSA La Semiente repite esta iniciativa tres l’ésitu del añu pasáu, onde decenes de vecinos y visitantes disfrutaron de les castañes y de la sidra dulce.
El Cine Carmen de Morea va acoyer esti sábadu la XVI Muestra de Música Tradicional ‘Tocando pelos pueblos’. Los asturianos A Rabil, los charros Txebe y Patri, y los vascos Zaldibiako Trikitrixa participen nesta edición del certame.
El Conceyu de Cangas del Narcea ta acabante d’abrir la convocatoria del X Concursu de Cuentos Curtios, destináu a mayores de 16 años. Toles persones interesaes en participar tienen hasta’l 10 d’avientu pa presentar les sos obres.
“La ría del Eo ta contaminada por neglixencia del Principáu”, afirma la Coordinadora Ecoloxista. L’asociación reclama que nos presupuestos próximos tea incluyida la construcción de la proyeutada depuradora de Castropol pa finar cola situación.
Iñigo Urkullu, qu’anunció que va gobernar en minoría, va ser el lehendakari nuevu. El PNV ganó les eleiciones d’Euskadi (27 escaños), xornada que va ser recordada pol éstitu mayor algamáu pola izquierda abertzale al sumar 21 diputaos.
La política de recortes del PP nun afeutó en Galicia, onde Alberto Núñez Feijoo reforzó la mayoría absoluta de los populares. Mentes, Xosé Manuel Beiras consiguió superar al BNG cola so coalición con Esquerda Unida.
El Conceyu Universitariu pol Asturianu (CUPA), en collaboración cola ALLA y Iniciativa pol Asturianu, abre la matrícula pa la tercer edición del cursu d’asturianu. Ésti ye de nivel básicu y tien como sede’l Conseyu de la Mocedá de Xixón.
