El siguimientu de la fuelga xeneral nel país foi del 92 por cientu, según les cifres apurríes por CC OO, UXT y USO, superando en 12 puntos la media estatal. La xornada, que finó con cinco detenciones, tuvo manifestaciones masives en Xixón y Uviéu.
La propuesta de dar clase d'asturianu a los parllamentarios na Xunta Xeneral nun tendría munchu poder de convocatoria, según los usuarios d’Asturies.com. Un 56 por cientu cree que namái acudiría “un númberu reducíu” de diputaos.
La participación de la Policía Llocal na carga y detención de cuatro persones na xornada de fuelga xeneral del miércoles foi criticada por Compromisu por Xixón. Tamién llamentó l’intentu d’asaltu a la Casa Sindical.
Esti miércoles, 14 de payares, los asturianos y asturianes tán llamaos polos sindicatos a facer fuelga xeneral contra les polítiques del Gobiernu del PP y en defensa del Estáu del bienestar. Xixón y Uviéu van acoyer les manifestaciones.
La música asturiana va sonar esti mes de payares en Marruecos. El músicu Héctor Braga y el cantante de tonada, el Che de Cabaños, van protagonizar una xira conxunta pel país norafricanu con paraes en Fez, Casablanca o Marrakech.
La Xunta pola Defensa de la Llingua Asturiana (XDLA) entama un cursu d’asturianu básicu n’Uviéu que principia'l llunes. Ésti ta dirixíu, sobre manera, a persones adultes que quieran garrar un bon nivel del idioma, tanto a nivel oral como escritu.
L’Asociación Cultural Serondaya, de Cenera, dio a conocer esti sábadu’l fallu del Premiu Serondaya a la Innovación Cultural na so estaya de Ciencies de la Cultura Humana. La Fundación Belenos recibe esti gallardón.
La decisión de l’Asociación d’Escritores d’Asturies de retirar la categoría d’asturianu nos XIII Premios de la Crítica lleva a la XDLA a convocar, de manera esceicional, unos gallardones propios. Éstos van tener cuatro categoríes.
La coedición de ‘Tirant lo Blanch’ n’asturianu de l’Academia de la Llingua Asturiana y l’Acadèmia Valenciana de la Llengua, yá ye una realidá. Esti miércoles presentóse la torna fecha por Pablo Suárez García de la obra de Joanot Martorell.
