CC OO, SATSE, USAE, SICEPA-USIPA fixeron públicu un comunicáu nel que llamenten qu’UXT “falte al so compromisu” al aceptar la ufierta del SESPA, rompiendo asina la xunidá d’aición sindical. Dicen tar satisfechos pol resultáu de la fuelga.
Fernando Lezcano, secretariu de Comunicación de CC OO, confirmó esti vienres que’l miércoles 14 de payares va haber fuelga xeneral en tol Estáu. Esti paru va coincidir col convocáu en Portugal dientro d’una xornada europea de protestes.
L’Asociación Culturar Xeira ta acabante d’abrir la convocatoria del Premio de Narracióis Curtias que lleva’l so nome. Ésti vive la so vixésimosegunda edición pese al “momentu difícil” que ta pasando la lliteratura en gallego-asturiano.
La segunda canal de TPA, qu’apaez col nome de ‘A8’ nos televisores, principió esti xueves a retresmitir en prebes los Plenos de la Xunta Xeneral. El vienres, a les 9 hores, va continuar cola emisión en direuto de los debates.
La posibilidá de que Xibraltar y los sos clubes puedan disputar competiciones internacionales inquieta al Gobiernu d’España. Asina lo treslladó’l presidente del CSD, Miguel Cardenal, al de la FIFA nuna xunta na sede del organismu en Zürich.
Un conciertu de Mari Luz Cristóbal y Anabel Santiago ye’l primer eventu del ciclu entamáu pol Conceyu de Xixón baxo’l nome de ‘Encuentros de Músicas Asturianas’. Doce actuaciones ente ochobre y payares conformen esta iniciativa.
Manuel Sánchez Murias ‘Manolo’ dexó esti xueves de ser entrenador del Sporting. La imaxe mala del equipu nel partíu de Copa contra’l Mirandés, pese al trunfu final (2-1), llevó al conseyu d’alministración a sustituyilu por José R. Sandoval.
El martes presentáronse les espublizaciones de les obres ganadores de los Premios Lliterarios 2011. Nel alderique posterior demandóse a les autoridaes más “apoyu políticu” a “los premios más importantes de la lliteratura asturiana”.
‘Reciella. Families pol asturianu’ ye’l nome del coleutivu que ta acabante de dase a conocer de manera oficial a la opinión pública. Esta asociación tien como oxetivu promocionar l’asturianu ente neños y neñes de 0 a 6 años.
Un total de 24 establecimientos de Sotrondio, Blimea y L’Entregu participen esta fin de selmana en ‘Samartín del Pinchu’. Esti concursu de tapes y pinchos ye ún de los pocos certámenes gastronómicos qu’usen l’asturianu dafechu.
