El martes va principiar n’A Coruña’l xuiciu oral pola catástrofe del ‘Prestige’, qu’afeutó a la costa asturiana. La Coordinadora Ecoloxista recuerda la falta de preparación que tien Asturies énte esti tipu d’incidentes, como quedó amosao n’Aboño.
La Xunta Xeneral mostróse esti xueves contraria a consultes democrátiques d’autodeterminación como la que se plantega en Catalunya. Namái Izquierda Xunida votó en contra de la propuesta d’Unión Progreso y Democracia (UPyD).
El salón d’actos de la Biblioteca d’Asturies va ser sede esti martes d’un actu de presentación de les espublizaciones de los Premios Lliterarios 2011. Tres el mesmu, va celebrase una mesa redonda con tolos autores gallardonaos.
La macha de Barcelona na Diada, cola participación de más d’un millón de persones, avera a Catalunya a la so independencia, según un 39 por ciento de los nuesos usuarios. Cree que l’Estáu ha de tener xestos col país mediterraneu.
Esti xueves cúmplese la cuarta xornada de fuelga médica na sanidá asturiana. El Sindicato Médico Profesional de Asturias (SIMPA) denunció la esistencia de presiones a los fuelguistes dende les xerencies y direiciones médiques.
La Xunta pola Defensa de la Llingua Asturiana (XDLA) amosó la so indignación pola intervención del presidente nel Debate d’Orientación Política. Nel repasu fechu a le llinies próximes d’actuación del so Gobiernu nun hubo sitiu pal asturianu.
Javier Fernández anunció esti martes na so intervención nel Debate d’Orientación Política que la selmana qu’entra va tomar la decisión d’acudir o non al Fondu de Liquidez Autonómica. Asegura qu’esisten ufiertes d’entidaes financieres.
Un 5,97 por cientu. Ésta ye la cifra na que’l SESPA situó’l siguimientu de la segunda xornada de fuelga médica n’Asturies. Por contra, el SIMPA calificó de “masivu” l’apoyu al paru de los 4.000 profesionales convocaos.
El Sindicato Médico Profesional de Asturias (SIMPA) calificó los datos daos pol SESPA de la primer xornada de fuelga de “simple maquillaxe”. Los médicos falen d’un “siguimientu absolutu del paru”, que continúa esti martes.
Inaciu Galán, presidente d’Iniciativa pol Asturianu, desplazóse esti martes a Barcelona cola intención d’entregar un informe asemeyáu al fechu pa la RAE nel Institut d’Estudis Catalans (IEC). La intención ye correxir la definición del términu ‘asturià’.
