Un alcuerdu ente’l Gobiernu y IX y UPyD va permitir l’aprobación de la Llei de Midíes Urxentes en materia de Personal, Tributaria y Presupuestaria. Ésta inclúi decisiones de recorte de gastu públicu pa cumplir l’oxetivu del déficit.
La única radio qu’emite dafechu n’asturianu, Radio Sele, ta pasando per problemes económicos graves que-y compliquen el pagu del llocal y afrontar los sos gastos. Por esti motivu pide sofitu económicu pa siguir coles sos actividaes.
Los presupuestos del Conceyu de Xixón destinarán a la cooperación internacional al desarrollu 300.000 euros, lo que supón 700.000 euros menos que n’años anteriores. Compromisu por Xixón critica esta midida de Foro.
El Gobiernu estatal dará’l permisu de residencia a aquellos estranxeros que merquen una vivienda d’un valor superior a los 160.000 euros. L’oxetivu ye reducir el númberu de pisos en ‘stock’ y reactivar la demanda esterior.
L’escritor castellanu Juan Carlos García Hoyuelos va tar presente’l sábadu en Xixón convidáu por Iniciativa pol Asturianu pa presentar ‘Se lo dije a la noche’. Esta obra ye un proyeutu poéticu-musical qu’inclúi toles llingües ibériques.
‘Carne de melandru’, de Milio Rodríguez Cueto, llevóse’l Premiu María Xosefa Canellada de Lliteratura Infantil y Xuvenil d’esti añu. El xuráu decididióse, por unanimidá, por esta obra del xixonés ente les seis candidates.
El 1 d’avientu, a les 21.15 hores, va celebrase nel Teatru de la Llaboral el Liet International de Xixón, certame nel qu’Asturies va tar representada pola Asturiana Mining Company. Dende esti vienres tán disponibles les invitaciones.
La Xunta pola Defensa de la Llingua Asturiana (XDLA) reclama al Gobiernu y a los conceyos más compromisu p’asegurar la estabilidá de los Servicios de Normalización. Pal 2013 habrá recortes nos presupuestos pal so caltenimientu.
El Teatru Xovellanos va acoyer esti vienres la gala d’inauguración del Festival Internacional de Cine de Xixón (FICXixón), que celebra’l so cincuenta aniversariu. Hasta’l 24 de payares, van proyeutase más de 160 películes.
