El CIS dio a conocer los datos de la encuesta sobre intención de votu nes eleiciones catalanes anticipaes del 25-P. CiU medraría en representación, anque nun llegaría a la mayoría absoluta, y ERC sumaría 7 escaños más que nel 2010.

La llangreana Marisa Valle Roso continúa cola xira de presentación del so primer discu en solitariu, ‘De lo fondero l’alma’. En payares y avientu va ufrir cinco conciertos nuevos en delles poblaciones asturianes.

El rector de la Universidá d’Uviéu, Vicente Gotor, inauguró esti martes les XXXI Xornaes d’Estudiu de l’ALLA. Na so intervención recalcó’l so compromisu de “da-y valir” a la llingua asturiana “dientro del marcu llegal establecíu”.

La crisis nun da tregua n’Asturies. La multinacional xaponesa Suzuki comunicó al Gobiernu'l pieslle de la planta de Xixón, la única que mantenía activa n’Europa. Esta decisión afeuta a 170 trabayadores de la compañía y a la industria auxiliar.

Los datos daos a conocer el llunes sobre’l paru n’Asturies llevaron a Compromisu a criticar el papel que tán xugando les fuercies parllamentaries. La federación llama a participar “de forma masiva” na fuelga xeneral del 14 de payares.

Proyeiciones de cine, teatru, llibros, esposiciones y charres conformen el programa de les XI Xornaes de Lliteratura Infantil y Xuvenil de Samartín del Rei Aurelio. El xéneru de terror ye la temática sobre la que va xirar esta edición.

El paru medró n’ochobre n’Asturies un 20,81 por cientu en comparanza col mesmu mes del añu pasáu, casi el doble de la media estatal: 10,84 por cientu. Ésta ye la tasa más alta del Estáu y dexa la cifra total de desemplegaos en 103.384.

El Serviciu de Normalización Llingüística de Corvera entama’l seminariu ‘Llingua y sociedá asturiana’. Ésti va celebrase dende esti llunes hasta’l 19 d'avientu nel Centru Sociocultural de Les Vegues.