La biblioteca xixonesa d’El Natahoyo acutará un espaciu pa la so coleición de llibros n’asturianu

|

Una estantería doble instalada recién na Biblioteca Municipal d’El Natahoyo, en Xixón, acoyerá la coleición de llibros n’asturianu de la instalación. Compromisu por Xixón solicitara al Conceyu dar más visibilidá a estes obres.

La plataforma de partíos emponderó l’actitú del Ayuntamientu de Xixón énte’l so pidimientu y agradeció-y “el so apueste pol asturianu”. Tamién encamentó-y a que trabaye pola normalización idioma “dientro de tolos ámbitos social y cultural, yá que ye un elementu arriquecedor y la so potenciación na mayoría de los casos nun supón gastar nin un euru más; namái voluntá política”.

Daniel Fernández, voceru de la formación en Xixón, criticó “la dexadez institucional a tolos niveles” respeuto a  la llingua asturianu y recordó que “esiste una obligación llegal pola que toes les Alministraciones Públiques deben fomentar l'usu del asturianu y de la toponimia oficial, que casi siempres s'escaez nel caxón”. Por último, dende Compromisu por Xixón reafiten el so enfotu por “siguir trabayando pola normalización del asturianu frente a la desidia institucional nesti campu”.

La Biblioteca Municipal d’El Natahoyo asítiase na cai La Estrella d’esti barriu del oeste de la ciudá y abre n’horariu de 9 a 20 hores, de llunes a vienres. Ente otros servicios, tien sala de llectura y mediateca.

 

Contador Estadistiques