Fiches didáutiques

Músicu y dibuxante, Ígor Medio dexó una gran buelga creativa magar que dexó esti mundu a la temprana edá de 34 años por un fatídicu accidente de tráficu nel 2006 de la que diba a tocar con Felpeyu a Catalunya nel que tamién perdió la vida’l so compañeru Carlos Redondo. Fundador d’esti grupu históricu, entovía activu, y ‘padre’ de ‘La Familia Castañón’, emocionónos col so bouzouki y sacónos risotaes col so llápiz.

El planeta más grande del Sistema Solar ye Xúpiter. Trátase d’un cuerpu masivu gaseosu, formáu principalmente por hidróxenu y heliu, y asítiase como’l quintu alloñáu del sol depués de Mercuriu, Venus, la Tierra y Marte, y el primeru del nomáu Sistema Solar esterior al nun tener composición terrestre.

El castiellu de Gauzón ye un llugar emblemáticu pa la historia d’Asturies. Asitiáu en La Fundición, nel conceyu de Castrillón, nuna zona anguaño alloñada de la mar, foi la fortaleza más significativa de la monarquía asturiana.

Güei d’ella nun queden más que restos, yá que col pasu los sieglos vecinos de la zona foron aprovechando los materiales pa les sos propies construcciones. Sicasí, na zona fáense escavaciones arqueolóxiques que nun dexen de dar detalles nuevos sobre la edificación, como la esistencia d’un asentamientu anterior a la so construcción.

El trabayu del fierru n’Asturies tien una tradición amplia. La primer idea que pues tener son les grandes siderurxes d’Avilés y Xixón, pero dende sieglos atrás predominaron per tola xeografía ferreríes, siderurxes antigües.

Especial puxu tuvieron les ferreríes hidráuliques, que s’estendiéronse principalmente nos sieglos XVII y XVIII. Tanto éstes como les anteriores, manuales, tienen como elementu común l’emplegu del mazu pa trabayar el fierro, que nel mecanismu movíu pol agua compónse d'una rueda con engrane que fai cutir unos mayos.