Fiches didáutiques

El Nataliegu

La nueche del 24 d’avientu celébrase en tol mundu occidental la viéspera de Navidá o Nuechebona. Son munches les tradiciones venceyaes a esta fecha, dalgunes de nidiu calter asturianu, anque munches se repiten n’otros llugares con pequeños cambios cola mesma esencia, como ye’l casu del nataliegu.

¿Pero por qué festexamos esta fecha? En realidá, anque l’orixe pudiera paecer de primer mano cristianu, el raigañu ta nes tradiciones paganes previes: el solsticiu d’iviernu, que marca’l momentu del añu nel que tornen a crecer los díes.

Monte Areo: túmulu

Asturies ye un territoriu ricu en monumentos megalíticos. Éstos correspuenden al Neolíticu mayormente (7.000-3.000 enantes del presente), últimu periodu de la Edá de Piedra, nel que los humanos comenzaron a prauticar l’agricultura y el pastoréu, provocando l’apaición de les primeres sociedaes sedentaries.

Enriqueta González Rubín

Nacida en Santianes del Agua (Ribeseya) nel añu 1832, Enriqueta González Rubín ye una persona clave na lliteratura asturiana. Del so puñu nació la primer novela conocida en llingua asturiana: ‘Viaxe del Tíu Pacho el Sordu a Uviedo’, asoleyada nel añu 1875.

Aviespes, abeyes y abeyones

Estos insectos voladores formen parte de la fauna asturiana. Les trés son diferentes, pero al empar tán mui venceyaes, yá que tanto abeyes y abeyones evolucionaron a partir de les aviespes –al igual que les formigues–, y ayuden a la polinización.

La aviespa ye un inseutu himenópteru, como les sos hermanes, de picadura gafa y col cuerpu mariellu y bandes negres. La mayor parte son solitaries, pero hai munches variedaes que viven n’ensame, como faen les abeyes, anque nel casu d’éstes últimes, qu’ellaboren cera y miel, los caxellos son d’un tamañu muncho mayor.

El texu

El texu ye un árbol, pero non un árbol cualquiera pa munches cultures, como ye’l casu de l’asturiana. De fueya perenne y perverde que tien una madera mui duro, cuenta col nome científicu de taxus baccata, pue llegar a midir hasta 20 metros y yera sagráu pa los ástures.

Fuertes y llonxevos, dalgunos son milenarios, polo que siempre tuvieron un simbolismu especial. Ta venceyáu a la vida, pero tamién a la muerte, al ser venenosu, simbolizando’l pasu al otru mundu.

Ilesia d'Abamia

Anque pueda paecer a priori una ilesia más de les munches esistentes nos pueblos d’Asturies, la d’Abamia ye enforma especial. Nella reposaron mientres sieglos los restos de Pelayo, el primer rei d’Asturies, y la so muyer Gaudiosa, lo que confier a esti templu una gran importancia histórica, anque dalgunos estudios nieguen esta idea con raigón na tradición.

Calibuon at English Wikibooks [Public domain], via Wikimedia Commons

Dalgunos de los grandes avances de la humanidá nacieron frutu de la casulidá. Ún d’ellos ye la invención de la penicilina, sustancia antibiótica que se saca del fungu Penicillium notatum y que salvó la vida de millones de persones afeutaes pola tuberculosis, la escarlatina, la neumonía bacteriana o la fiebre reumática, ente otres enfermedaes.

Osos

Ún de los animales más carismáticos de la fauna asturiana ye l’osu, mamíferu carnívoru de la familia de los úrsidos que tien como carauterístiques ser de tamañu grande, forníu y tener munchu pelo. N’Asturies habita l’osu pardu (Ursus arctos arctos), en concreto l’osu pardu cantábricu, una subespecie que destaca por ser de les de menor tamaño.

New York World-Telegram and the Sun staff photographer: DeMarsico, Dick, photographer. [Public domain], via Wikimedia Commons

Estaos Xuníos, nun hai munchu tiempu, yera un país nel que los negros nun teníen los mesmos derechos que los blancos. Una situación que gracies al esfuerciu y al trabayu de munches persones camudó sobre manera, anque la igualdá racial nesa potencia mundial económica, al igual qu’en munches partes del mundu, nun ye enforma real anguaño.

P. N. Picos d'Europa

Nel añu 1916 el Gobiernu d’España aprobaba la primer llei de Parques Nacionales, una de les primeres d’Europa, p’asegurar la conservación de los valores naturales d’espacios naturales de valir importante. Dos años depués declararíase’l primeru que tendría esta proteición especial: el Parque Nacional de la Montaña de Covadonga.