Xunta Moza entama dos clases d'asturianu na cai

Xunta Moza, estaya xuvenil de la Xunta pola defensa de la Llingua Asturiana, convoca dos clases d’asturianu na cai dientro de la campaña que ta llevando alantre contra la propuesta d’esclusión de la llingua asturiana de los futuros planes d’estudiu de maxisteriu. Esta protesta va facese los díes 3 y 5 de marzu a les 10:30 delantre de la Escuela de Maxisteriu d'Uviéu.

Esta iniciativa vien a sumase a la manifestación que convoca la Xunta pola Defensa de la Llingua Asturiana'l sábadu 7 a les 17:00 na Estación del Norte d’Uviéu contra la esclusión del asturianu nos estudios de maxisteriu y solicitando la dignificación de la asignatura de llingua asturiana nel sistema educativu.