Esti domingu 11 acabó la 43 edición del Festival Intercélticu de Lorient, los caberos díes la delegación asturiana tuvo representada polos habituales Xeitu y Llacín. más el curdionista Marcos García Alonso y l'espectáculu que xuntó los astilleros de Xixón y Saint-Nazaire.

Xosé Antón González Riaño, direutor de la Universidá Asturiana de Branu (UABRA), amuesa la so satisfaición pol desendolcu de la cuarta edición de los cursos con sede en Cangas. Pa la edición próxima espera completar ocho programes formativos.

Pocos díes queden de festival, l’actividá de la delegación asturiana va amernogando, pero con poco que se rasca inda se ven coses por ver y facer, ayeri batir records del mundu, baillar un ska o comer dalgo de pasta foron dalgunes de les ocupaciones.

Esti vienres principia con una novillada la Feria de Begoña de Xixón y Anadel convoca una manifestación antitaurina pa esti domingu. Compromisu y Conceyu Abiertu sacaron un comunicáu conxuntu nel que sofiten esta protesta.

Muncha presencia asturiana a lo llargo de tol día d’ayeri, sobre too con grupos de baille y bandes de gaites, que remató cola actuación de Llan de Cubel nel escenariu más importante del Festival Intercélticu de Lorient, el Espace Marine.

La Fundación Parque Histórico del Navia entama esti domingu en Grandas de Salime’l ciclu de charres en gallego-asturiano ‘El Parque Histórico Fala’. El fisioterapeuta y investigador franquín Martín de Villar ye’l primer convidáu.

La propuesta presentada por Humberto Gonzali al Conseyu Asesor de la Llingua de Xixón pa que'l muérganu s’abriese a les entidaes que trabayen pol idioma, aceptóse. El representante del PP celebra'l fin d'esta “incoherencia”.

Llorián García ye una persona de sobra conocida na música asturiana, musicólogu y gaiteru del grupu Dixebra, tamién ye un habitual del Festival Intercélticu de Lorient. Esi conocimientu del festival fae que s’atreva a ufiertanos una manera diferente d’averase al FIL, una cartografía sonora.

El filólogu Ricardo Saavedra Fernández-Combarro protagonizó la tercer conferencia de la Universidá Asturiana de Branu (UABRA), qu’impartió en fala. Nella analizó, con exemplos, lo que queda del inxeniu y sentíu del humor de los asturianos.

Avanza’l festival y van socediéndose les actuaciones, ente les más importantes la d’ayeri, la “Grand Nuit des Asturies”, que cumplió coles espectatives del entregáu públicu asturianu, y del desixente espectador bretón.