El silenciu del presidente del Gobiernu estatal pol ‘casu Bárcenas’ lleva a los llectores d’Asturies.com a creer conveniente una moción de censura contra Rajoy. El popular va comparecer nel Congresu'l xueves en plena 'Operación salida’.

La Conseyería d’Educación, Cultura y Deporte va facer efeutivos dellos recortes nes plantiyes docentes pal cursu 2013-2014. Compromisu por Asturies amuesa’l so esmolecimientu por esta situación qu’afeuta a alumnos y trabayadores.

Esti martes celebróse la inauguración del Muséu de la Mina d’Arnáu, con sede na instalación que zarró les sos puertes nel añu 1915. Esta infraestructura situada xunto a la playa va permitir conocer el pasáu del primer pozu vertical del país.

Dende l'añu 1981 un piñu d'asturianos lleven viaxando carretera p'arriba hasta Bretaña pa participar nel festival de cultura céltica más grande del mundu, el Festival Intercélticu de Lorient. Lo que pasa ye que dende'l 81 hasta güei cambiaron y meyoraron muncho les coses, y les y los asturianos que van per ellí yá nun tienen qu'andar desplicando con tanta insistencia ónde ta Asturies, qué pinta esa cruz na bandera, que nós tamién tenemos llingua propia y, sobre too, que tenemos una cultura musical que paga la pena que conozan. 

La Universidá Asturiana de Branu (UABRA), qu’abre les sos puertes esti llunes en Cangas del Narcea, continúa medrando añu tres añu. Esta edición ye la primer que consigue cubrir tolos cursos y caltién una participación de 170 persones.

L’Asociación Cultural N’Ast reclama al Gobiernu “coherencia” con respeuto al tratu que-y da a la sidra. Recuerda que, pese a les demandes del sector y la candidatura a ser Patrimoniu Inmaterial, el vinu español protagoniza los actos institucionales.

Esti domingu va tener llugar en Xixón el VIII Festival Aéreo Ciudad de Gijón. Les formaciones Conceyu Abiertu y Compromisu coinciden en refugar esti certame impulsáu pol Conceyu pol so carauter “belicista” y pol so gastu importante.

Na tarde del miércoles fallóse’l VII Premiu Timón p’autores en llingua asturiana y eonaviego. Nesta edición, el gallardón foi pal escritor tinetense Miguel Rojo, que va recibir una obra del escultor Jesús Castañón mientres la Vagamar 2013.

Per 10 díes, Xixón va tornar a virar la so mirada hacia’l mar. El segundu Festival Arcu Atlánticu va ufrir, dende’l vienres al 4 d’agostu, decenes d’actividaes pa tolos públicos que busquen potenciar la cultura atlántica común.