L’Auditorio As Quintas d’A Caridá va acoyer la representación de cuatro obres de teatru costumista hasta’l xueves. Éstes son dalgunes de les actividaes que s’entamen nesta población dientro de la XXX Semana Cultural de San Miguel.
“Una escandalosa falta de previsión de la Conseyería d’Educación” provoca que los alumnos de 14 centros nun tengan tovía maestru d’asturianu, alerta SUATEA. El sindicatu reclama l’apertura de les bolses d’aspirantes a interinidá.
La memoria del escritor Seamus Heaney, fináu’l pasáu 30 d’agostu, va protagonizar la primer actividá de la Vagamar 2013, actividá setembrina de L’Arribada. El Centru Cultura Antiguu Institutu de Xixón va acoyer un actu d’homenaxe al irlandés.
En primavera, los coleutivos Ástura y Iniciativa pol Asturianu entamaron un actu d’homenaxe a Emilio Robles Muñiz ‘Pachín de Melás’. El momentu más emotivu, y tamíen más divertíu, foi la intervención de la so fía, Pilar Robles.
Esti martes principiaron les clases del cursu 2013-2014 na Escuela de Música Tradicional La Quintana. Les persones interesaes en deprender dalgún instrumentu tradicional asturianu tovía pueden matriculase nesti centru xixonés.
Un conveniu de Cooperación Educativa robláu pola Universidá d’Uviéu y Iniciativa pol Asturianu va permitir a los estudiantes universitarios facer práutiques nesti coleutivu. La organización busca persones de tolos perfiles académicos.
Un grupu de ciudadanos inauguraron na mañana del martes una placa nel Muséu del Pueblu d’Asturies pa homenaxar a los sos impulsores, Luis Argüelles y Avelino Moro. Ésta ta situada nun llateral del edificiu del Muséu de la Gaita.
Los asturianos yá pueden disfrutar del estudiu d’Antonio Martínez Fernández ‘Noreña y la sidra’. Esta obra, ganadora del Premiu Emilio Trabanco na so tercer edición, fai un repás a la historia sidrera del conceyu dende’l sieglu XVIII hasta’l XX.
Ana María Cano, presidenta de l’ALLA, demandó otra vuelta la especialidá docente d’asturianu y recordó que “queda pocu tiempu yá” pal final de la llexislatura. La conseyera Ana González prometiera qu’ésta sería una realidá nesti mandatu.
