Javier Fernández, presidente del país, participó’l llunes nuna reunión nel Ministeriu d’Industria pa tratar la obligación de devolver les ayudes europees al sector naval. Asturies va facer frente común pa intentar salvar esta industria.
Grau vive les fiestes de Santiago y Santana y, per quintu añu consecutivu, celebra una nueche dedicada al punk, al hardcore y al hip-hop. Trátase del Santana Fest, onde repiten los llocales Misiva, que tán acabantes d’editar ‘Gran mentira’.
El ciclista xixonés del Equipe Cofidis, Dani Navarro, convirtióse nel cuartu asturianu n’acabar ente los diez primeros clasificaos del Tour. Christopher Froome (SkyTeam) ganó con superioridá la edición númberu cien de la ronda francesa.
Gracies a una iniciativa de Les Camisetes, firma ganadora del concursu de cartelos del LXXVII Descensu Internacional del Seya, la Fiesta de les Piragües va anunciase n’asturianu. Ye la primer vegada qu’esta prueba utiliza l’idioma del país.
Nel 1995 debutó, como Teatru de Trebolén, una de les compañíes más actives del teatru asturianu: Producciones Nun Tris. Esti grupu ta acabante d’editar un llibru nel que recueye toles propuestes qu’entamó nos sos 15 primeros años de vida.
Valdés, Villaviciosa, Siero, Carreño y Ribeseya van participar nel Festival Arcu Atlánticu con una programación especial. L’oxetivu d’esta apertura al restu del país ye convertir el certame nel “escaparate de toda Asturies”, afirma Carlos Rubiera.
La situación económica impide a un 25 por cientu de los nuesos llectores el marchar de vacaciones esti branu. Mientres, un 13 por cientu afirma nel nuesu ‘Conceyu Abiertu’ que tovía ta faciendo cuentes pa ver si pue facer un viaxe.
23 mozos y moces procedentes de 19 comunidaes asturianes repartíes pel mundu participen dende esti llunes n’Uviéu na Escuela de Branu d’Asturianía. L’oxetivu ye averar la cultura y tradiciones asturianes a estos fíos y nietos d’emigrantes.
Esti llunes celébrase la inauguración del Parador de Courias baxo la denominación castellana de ‘Corias’, actu nel que va tar presente’l presidente del país. La toponimia asturiana ye la única que la empresa Paradores nun respeta nel Estáu.
El sierense Fernando Vázquez Cárcaba llevó’l XIV Concursu de Gaita de Bimenes tres sumar dos terceros puestos nes ediciones últimes. El so paisanu Álvaro Álvarez Fernández, campeón nel 2012, tuvo que conformase cola segunda plaza.
