El xeólogu Pedro Farias Arquer foi’l segundu conferenciante d’esta edición de la Universidá Asturiana de Branu (UABRA). Na so primer esperiencia nos cursos destacó’l bon ambiente que se vive en Cangas del Narcea y la importante participación.

Coincidiendo cola Feria Internacional de Muestres d’Asturies (FIDMA), el Centro Asturiano de Madrid entrega esti martes los ‘Urogallos de bronce’, gallardones añales colos que premia delles estayes. El de llingua asturiana ye pa Inaciu Galán.

El Conceyu de Xixón yá trabaya na tercer edición del Festival Arcu Atlánticu. L'edil Carlos Rubiera anunció esti domingu na clausura del certame, que tornó a ser un ésitu de públicu, qu’Éire va ser el país convidáu pal añu qu’entra.

La folixa venceyada al folclor nun para nel branu xixonés. Esti llunes principia'l XIII Festival de Bandes de Gaites Villa de Xixón, que va vivir el so día grande’l vienres col desfile de les cinco agrupaciones participantes y la gala na Plaza Mayor.

Ruémpese una pequeña tradición que dicía que l’añu d’Asturies nel FIL, el Mc Crimmon lu llevaba una gaita gallega. Jesús Fernández d’Uviéu, qu’entamó a tocar a los 7 años y  lleva años collechando otros premios como’l Noega y el Remís Ovalle, ganó’l troféu con más prestixu nel mundu de la gaita gallega y asturiana.

Ayeri xueves pela tarde arrancaba’l Festival Intercélticu de Lorient, 9 díes per delantre de música, y non solo, nos qu’Asturies tien de consiguir ser la verdadera protagonista nel añu en que’l festival se dedica al nuestru país.

Hasta la fecha son once los conceyos asturianos qu’aprobaron mociones d’apoyu a la querella arxentina contra’l franquismu. Un grupu de ciudadanos continúa trabayando al traviés d’una plataforma pa sumar apoyos a esta causa xudicial abierta.

Ignaciu Llope protagonizó la primer de les cuatro conferencies previstes dientro de les actividaes de la Universidá Asturiana de Branu (UABRA). El médicu psiquiatra considera que la UABRA “nun debería ser una islla docente na Universidá”.

La carbayera Los Maizales, en Xixón, var ser sede 29 años depués d’una edición renovada de la Fiesta la Cultura. Xuegos tradicionales, tonada y actuaciones de Nuberu, Spanta la Xente o La Curuxa, son parte d’un programa perampliu.

Per tierra, mar y aire (dalgún va dir n'avión) la delegación asturiana prepárase pa invadir Lorient a partir del vienres 2 d'agostu, día qu'echa andar el festival.Pa'llá va una esbilla de la música asturiana, que con los sos estilos particulares, busca encaxar nel so sitiu nun festival qu'espera alredor de 700.000 visitantes, nel qu'actúen 4.500 artistes en más de 120 espectáculos, too esto con un presupuestu de 5.242. 869 €, que según datos de la propia organización, 68% sal de l'autofinanciación.