La Xunta pola Defensa de la Llingua Asturiana (XDLA) amosó'l so descontentu pola participación de la TPA na producción de “El Faro”. La serie ta financiada por TVG y les canales de la Forta, y va rodase en gallegu y castellán.

La Coordinadora Ecoloxista d’Asturies denunció la decisión de valtar 10.873 exemplares de castañales nel Parque Natural de Redes, anunciada nel BOPA'l 19 d'agostu pasáu. Aseguren que «supón un impautu grande ambiental nun espaciu protexíu».

Na mañana d’esti martes finó en Xixón Miguel Ramos Corrada, vicepresidente actual de l’Academia de la Llingua Asturiana (ALLA). El filólogu natural de Llerandi ocupó la presidencia de la institución nos años 2000 y 2001.

La compañía teatral femenina Les Ayalgues de Carreño va abrir esti miércoles el XXIII Salón de Teatru Costumista de Candás con ‘De aquí y de allá’. En total van representase doce obres hasta'l domingu 1, de les que cinco son estrenos absolutos.

Martín Fernández Cascudo, direutor del Festival Intercéltico d’Occidente (FIDO), amosó la so satisfaición pol desarrollu del certame, esti añu dedicáu a la figura de Kepa Junkera. Foi la edición más multitudinaria de les diecisiete celebraes.

El sábadu 24 d’agostu va tener llugar una ruta andieriega y reivindicativa a L’Escañoriu y al castru del Picu Castiello. L’Atenéu N’Alfoz entama esta actividá abierta a tola xente interasao, con salida a les 10 hores de Les Vegues.

Mediu centenar de neños y neñes participaron nes clases de toréu que s’impartieron esti martes na plaza de toros d’El Bibio. Compromisu por Xixón considera “llamentable” que se gaste dineru públicu n’educar “nel maltratu animal”.

El Festival Arcu Atlánticu, iniciativa del Conceyu de Xixón que vivió la so segunda edición, ye pa los usuarios d'Asturies.com una apuesta “mui acertada y positiva”. El 74 por cientu votó por esta opción nel nuesu ‘Conceyu Abiertu'.

La presencia d'Asturies nel Festival Intercélticu de Lorient nun ye namás per aciu de músicos escritores y artistes. Hai un par de carpes, chigre y el (decepcionante ) stand turísticu, que tamién manden un mensaxe de quién somos y cómo lo facemos.Poro, paga la pena comentar cómo son y con qué cuerpu queda ún depués de veles.

El poemariu ‘Difícil’, de Xurde Fernández, resultó ganador del XX Premiu de Poesía ‘Fernán Coronas’ Padre Galo qu’entrega la Sociedad Popular de la Regalina. El premiu fallóse la selmana pasada na casa natal del Padre Galo, en Cadavéu.