La Comisión Permanente del Conseyu Asesor de Política Llingüística aconceya per primer vez

El direutor xeneral de Política Llingúística, Antón García, va presidila nesta ocasión.

Esta tarde, a les 17.30 hores, va aconceyar per primer vez la Comisión Permanente del Conseyu Asesor de Política Llingüística. Nella van tratatase, de manera telemática, les propuestes recibíes estos meses pa crear meses sectoriales de trabayu, amás de preparar el Plenu próximu, qu'ha de celebrase enantes del fin d'abril.

Esta comisión ta formada por 5 conseyeros propuestos pola presidenta Berta Piñán, a la que güei va sustituyir García, y la secretaria titular, Irene Arce. El reglamentu aprobáu nel Plenu de constitución del Conseyu Asesor afita que les sos funciones fundamentales son la "preparación, dinamización y facilitación del llabor del Plenu; la coordinación y siguimientu de los grupos de trabayu; la collaboración y coordinación con otros órganos institucionales y del ámbitu social o cultural; amás de cualesquier otres que-y atribuya’l Plenu o la Presidencia del Conseyu Asesor".

Na semeya, García nun aconceyamientu telemáticu dende Política Llingüística.