Barbón pide l'estáu d'alarma pa poder poner toque de queda

|
Adrián Barbón solicitú estáu d'alarma

Mientres tanto, establez llendes al horariu comercial y hosteleru y decreta zarros perimetrales en Xixón, Uviéu y Avilés.

El presidente Adrián Barbón anunció que va solicitar al Gobiernu d'España l'estáu d'alarma pa poder tener ferramientes pa poder controlar la pandemia de COVID-19, con ascensu importante de casos nes selmanes últimes. D'esta forma podría tomer midíes como'l toque de queda.

Hasta que se convoque'l Conseyu de Ministros nel que se dea'l preste a esti pidimientu, Asturies va llendar l'horariu comercial hasta les 22 hores y l'hosteleru hasta les 23. Tamién va decretar zarros perimetrales en Xixón, Uviéu y Avilés, los trés conceyos de más población del país.

Toes estes midíes van entrar en vigor esta medianueche.

Contador Estadistiques