'El viaxe de Dorothy' pon el ramu al IV Premiu y Festival Nel Amaro

|
'El viaxe de Dorothy' de Fantastique Company

Fantastique Company debuta como finalista d'esti premiu con esta obra. La entrada al uvieín Teatru Filarmónica ye llibre, anque ye necesario acutar butaca previamente.

El IV Premiu y Festival Nel Amaro de Teatru Profesional en Llingua Asturiana o Gallego-asturiano vive mañana, a les 20 hores, la so sesión postrera. 'El viaxe de Dorothy' va poner el ramu a esti certame, pa dar llueu pasu al discutiniu del xuráu que va decidir el ganador del gallardón que cuenta con una recompensa de 6.000 euros.

Basada na historia infantil 'The Wonderful Wizard of Oz' de Lyman Frank Baum, esta obra dirixida, adaptada y protagonizada por Irene Santos cuenta la historia de Dorothy, una moza que vive colos sos tíos en Kansas que queda atrapada por un tornáu que la va llevar a una estraña tierra gobernada pol Magu d’Oz. Pa poder volver pa casa va tener que visitalu, dalgo que fadrá acompañada d’un robot, un espantapáxaros y un lleón, que tienen tamién tienen un deséu que treslladar al magu.

La entrada pa la función ye llibre, pero hai qu'acutar butaca de manera previa na web municipal d'Uviéu.

Contador Estadistiques