Cola fin de facilitar a les asturianes y asturianos la situación na que ta’l so conceyu y los 77 restantes, la Direición Xeneral de Salú Pública incorpora al so panel informativu un mapa cola situación epidemiolóxica y les restricciones de caún d’ellos. Grau, Avilés, Castrillón y Corvera son los que tien agora midíes más restrictives, a los que se van sumar el xueves Uviéu, Cangas del Narcea y Llanes.

Iniciativa pol Asturianu pide al PP y Ciudadanos que cumplan cola Llei d'Usu.

Con 500 exemplares vendíos en 20 díes, ‘Güeli. Histories d’amor y remangu’ convirtióse nun de los llibros más esitosos del 2020. Puru Remangu, marca de ropa qu’editó esta obra d'homenaxe a les güeles asturianes que nació de la campaña #30DíesConRemangu entamada n’Instagram, yá punxo a la venta la segunda edición.

El martes van entrar a valir les restricciones nueves del Gobiernu pa torgar l’espardimientu del coronavirus SARS-CoV-2, que se van establecer por conceyos. Llangréu finalmente nun cumple los indicadores afitaos, polo qu’Avilés, Castrillón y Corvera son los únicos qu’apaecen na llista anunciada esti sábadu.

320 mayores y trabayadores de la Residencia Mesta de Pumarín yá recibieron la segunda dosis de la vacuna, siguiendo los plazos. Van tener inmunidá a la COVID-19 en 7 díes.

Caltiénense les categoríes y los premios. La final, prevista'l 20 de febreru, será presencial si la situación epidemiolóxica lo permite.

Adolfo Camilo Díaz súmase a los gallardonaos n'asturianu, Aida Escudero y José Ángel Gayol. Va recibir el de Meyor Columna Periodística pola so contribución a la cultura asturiana.

Enantes del sábadu, a más tardar, el Gobiernu va comunicar restricciones nueves, que van ser “ríxides, contundentes y proporcionaes”, señaló Melania Álvarez García, vocera del Executivu. La evolución de la pandemia sigue aumentando y esmoleciendo, con 328 casos nuevos de COVID-19 el xueves y una tasa de positividá a 7 díes superior al 7 por cientu.

El Picu’l Castru, en Caravia, ye’l llugar onde se desendolca ‘Nunn’, llibru ambientáu en tiempos de la invasión romana. “Ye una novela mui visual y cinematográfica” esplica Xandru Martino, que depués de diez años de parón tien tamién terminada otra obra con fondu históricu, nesti casu sobre’l Reinu d’Asturies na época d'Alfonso II.

Son 46 menos que’l martes, anque se trata de la segunda cifra más alta dende payares.