L’Academia de la Llingua Asturiana (ALLA) comunicó esti xueves los detalles del so conveniu col Conceyu de Xixón, que nun tien naturaleza económica. La institución va asesorar llingüísticamente al equipu de gobiernu municipal, que se compromete a completar la rotulación n’asturianu nes sos dependencies y rede viaria, y a collaborar na normalización social del idioma.

El día 12 celébrense les eleiciones al Rectoráu de la Universidá d’Uviéu y Iniciativa pol Asturianu reclama a los dos candidatos “compromisos” pa col idioma. Ente les demandes ta la esistencia d’un billingüismu real que nun impida a alumnos facer tesis o TFG n’asturianu, la puesta en marcha de la oficina de normalización o la creación d’un grau de Llingua Asturiana y otru de Periodismu.

La campaña ‘Aquí no’, entamada pola Plataforma para la Defensa de la Cordillera Cantábrica col sofitu de más d’un centenar d’entidaes, ta teniendo una repercusión importante en redes. “Tamos a favor de les renovables, pero éstes nun se pueden poner en tolos sitios”, defende Ernesto Díaz, coordinador d’esta asociación.

La Conseyería de Salú prorroga 14 díes el zarru perimetral y les restricciones del nivel 4+ n'Uviéu, Llanes, Cangas y Gozón.

L'uvieín residente en Sabadell presentó'l microrrellatu 'Ruíu', mentes que 'Kudokoshi', de Xosé Nel Riesgo, llevó'l segundu premiu.

Xineru nun foi un bon más pa l'emplegu n'Asturies. El país convirtióse nel tercer territoriu onde más medró’l paru, un 3,20 por cientu, lo que significa 2.625 demandantes de trabayu más que’l mes anterior, y l’afiliación a la Seguridá Social baxó en 4.423 cotizantes, una mengua del 1,23 por cientu.

Adrián Barbón recibió esti martes a los candidatos al Rectoráu de la Universidá d'Uviéu, Santiago García Granda y Ignacio Villaverde. Esta cita tuvo llugar poques hores depués de qu’un mediu estatal asoleyara una información qu’amuesa que cachos del programa del caderalgu de Derechu Constitucional son copia de dellos testos d’aspirantes a rector d’otres universidaes del Estáu.

Carreño entra finalmente en nivel d'alerta 4+, con zarru perimetral y midíes dende'l xueves. N'Avilés, Castrillón y Corvera aplazáronse 24 hores les restricciones más dures.

Espublizáu nel 2008, Trabe asoleya una segunda edición d'esta útil ferramienta.

Salú tranca la hostelería d'Avilés, Castrillón y Corvera, ente otros midies, al prorrogar el zarru perimetral otros 14 díes. Con Valdés y Siero son 17 los conceyos con restricciones.