Selmana de les Lletres Asturianes

L'Aula Magna de la Universidá d'Uviéu acueye la entrega de los XX Premios de la Crítica

|
Cartelu de los XX Premios de la Crítica

La gala, prevista de primeres en xineru, aplazárase pola situación sanitaria. Adolfo Camilo Díaz, Aida Escudero y José Ángel Gayol son los gallardonaos nes estayes d'asturianu.

Esta tarde, a les 18 hores, va tener llugar la entrega de los XX Premios de la Crítica y XV de les Lletres d'Asturies, qu'entrega l'Asociación d'Escritores d'Asturies. L'actu va celebrase nel Aula Magna de la Universidá d'Uviéu y va contar cola presencia de Berta Piñán, conseyera de Cultura, Política Llingüística y Turismu, y del rector nuevu, Ángel Ignacio Villaverde.

Escudero va recibir el gallardón a meyor llibru del 2019 de poesía n'asturianu por ‘Esti llugar qu’agora ye nuesu. Poemariu neanderthal’ (Trabe), mentes que Gayol va recoyer el de narrativa por ‘En primera persona’ (Trabe). Pela so parte, el premiu a la Meyor Columna Periodística ye pa Adolfo Camilo pola so contribución a la cultura asturiana.

En castellanu'l merecedor d'esta estaya ye Joaquín Fuertes. No que respeuta a la poesía, el llibru meyor valoráu pol xuráu ‘Los Jardines en Ruinas’ (Bajamar) de Juan Ignacio González, y en narrativa, 'Nadie somos Ingrid Bergman' (Nieva) de Carmen Cabeza.

Pela so parte, Carmen Ruiz-Tilve va ser reconocida col XV Premiu de les Lletres d'Asturies en reconocimientu de la so trayeutoria lliteraria.

Contador Estadistiques