Nacho Fonseca pon voz al cantar del X Día de la Reciella xunto cola so fía Esther y la so nieta Manuela

La tresmisión xeneracional, enfotu principal de ‘Reciella. Families pol Asturianu’, tamién vese reflexáu esti añu nel cantar del Día de la Reciella, que se celebra esti sábadu nel Muséu del Pueblu d’Asturies. Nacho Fonseca compunxo pa esta edición ‘La familia del asturianu crez’ al que pon voz xunto con Esther y Manuela, la so fía y nieta.

La tresmisión xeneracional, enfotu principal de ‘Reciella. Families pol Asturianu’, tamién vese reflexáu esti añu nel cantar del Día de la Reciella, que se celebra esti sábadu nel Muséu del Pueblu d’Asturies. Nacho Fonseca compunxo pa esta edición ‘La familia del asturianu crez’ al que pon voz xunto con Esther y Manuela, la so fía y nieta.

Pablo A. Quiroga encargóse de la realización d’un videoclip que s’estrenó esta mañana y nel que los trés miembros de la familia Fonseca son protagonistes xunto con unes mázcares. El cantar del fundador de Seliquín y de Xentiquina fala de dellos animales, como un malvís, una gatina gris o un ratón.

Tanto Nacho como Esther, conocida intérprete, y Manuela canten nesti tema, que va proyeutase’l sábadu nel Día de Reciella, xornada d’actividaes n’asturianu dafechu que va arrancar a les 11.30 hores cola carrera Entaína, na qu’una familia pasa de manera simbólica ente los sos miembros el testigu que simboliza la tresmisión xeneracional del idioma, esti añu los Barbón de Llaviana. ‘La familia del asturianu crez’ ye’l meyor exemplu d’esi tresvase de la llingua asturiana de güelos a fíos y nietos.