La muestra ‘Dixebra. XXXV años de rock n’asturianu’ inauguróse en Xixón, onde va poder visitase hasta’l 9 de xineru. “La esposición sigue la filosofía de Dixebra y ta pensada pa un públicu amplio”, apunta’l cantante Xune Elipe, que presenta materiales diversos, semeyes, un videu y seis paneles que cuenten el contestu nel que nació la banda.

L’archivu de Germán Fernández con obra de Fernán-Coronas permitió descubrir recién el gran interés del Padre Galo na cultura xaponesa. Sobre esta conexón, de la qu’había dalgún indiciu, agora confirmáu, va xirar una actividá divulgativa en Ḷḷuarca que va tener llugar esti sábadu baxo’l lema ‘[…] Blinca la rana: Fernán-Coronas y la cultura xaponesa’.

A pocos díes pal Uviéu-Sporting (sábadu, 21 hores), Samuel Gradín, Míguel Fernandi y Pablo R. Guardado van falar del partíu más esperáu.

Los cursos semipresenciales de baldre de formación non reglada p’adultos n’asturianu y gallego-asturiano van potenciase nel 2023.

Dos años y mediu depués de cayer énte la pasividá de propietarios y alministraciones llega una partida nos Presupuestos pa recuperar l’horru d’El Pedrosu, que contaba con pintures de la guerra contra los franceses. Berta Piñán, conseyera de Cultura, Política Llingüística y Turismu, anunció esta actuación y l’impulsu del Plan d’Horros.

Los socialistes cuenten col apoyu de la conceyal Henar Martín, de Nós Ibias, y presenten como alcaldesa a Méndez Abello.

El 2023 va venir con un premiu lliterariu nuevu que se suma a los siete yá esistentes. Ye’l Premiu Pachín de Melás al meyor testu teatral, con una recompensa de 6.000 euros, qu’amás de reconocer la figura d’Emilio Robles Muñiz pretende fomentar la creación n’asturianu.

Una historia de vaqueros ambientada en California enllena de referencies a Asturies. Ye lo que plantega Casimiro Fernández, escritor que s’estrena a los 72 años, en ‘Fort Paniceiros. Una historia de la de mi’ madre’, primer títulu de la coleición ‘Al filu’ d’Ediciones Radagast.

La organización fai un llamáu a los partíos políticos pa que lleguen a un alcuerdu constitucional pal futuru de les llingües del país.

El conciertu ‘Música d’eiquí, música p’agora’ va sacar esti xueves a la cai la música contemporánea que se fai en llingua asturiana. Va ser en Cangas del Narcea y baxo la etiqueta ‘música pop’ va ufrir de baldre les actuaciones d’Alfredo González y Silvia Quesada, y de L-R.