El 25 de mayu del 1808 la Xunta Xeneral proclamóse soberana rebelándose contra'l dominiu francés. Esti xueves cúmplense 215 años d’esa fecha histórica pal país demandada por un sector de la sociedá pa celebrar el Día de la Nación Asturiana y escaecida poles instituciones per décades hasta esta llexislatura, cuando’l Gobiernu entamó a conmemorala y a referise a ella como’l Día de la Bandera.

La formación morada va entamar en Xixón l'actu central de campaña con intervenciones polítiques y delles actuaciones musicales.

‘Un tesoru y una tumba’ ye’l tercer cuadernu de trabayu del cineasta Ramón Lluís Bande, obres que funcionen como “bocetos de les películes”, con reflexones que va faciendo l'escritor al traviés de cites d’otros autores. “Pa min lo más importante son les notes; el llibru tendría sentíu ensin les películes”, asegura’l xixonés.

L'esame va celebrase na mañana d'esti sábadu nel llar social de la institución académica.

Esta selmana l’históricu horru d’El Pedrosu, con pintures de la guerra contra los franceses, tará otra vuelta en pie. Si la meteoroloxía lo permite van finar los trabayos de restauración, con un plazu d'execución de seis meses, col montaxe nel llugar d’esti bien mueble con pieces orixinales y otres procedente d’otres construcciones.

El domingu, 28 de mayu, ye día d’eleiciones. Los colexos eleutorales van tar abiertos de 9 a 20 hores, momentu nel que va entamar l’escrutiniu, que va poder siguise na páxina web habilitada pol Gobiernu y por aplicaciones pa dispositivos móviles Android y iOS.

L’asturianu tien presencia nos programes eleutorales de los partíos con representación parllamentaria, sacante’l del PP, nel que nun hai nenguna referencia, mentes que Foro pretende asoleyalu’l martes o’l miércoles. Amás del apueste pola oficialidá de les formaciones que defenden esta midida y la oposición de la estrema derecha, cada organización fai propuestes concretes rellacionaes col idioma.

Los cursos formativos de l'Academia de la Llingua Asturiana (ALLA), nel formatu actual como UABRA, creáronse nel 2010 y dende un entamu fixéronse en Cangas del Narcea.

Los lletreros nuevos instalaos na N-634 al so pasu per Piloña empleguen nomes de llugar non oficiales como 'Oviedo', 'Infiesto' o 'Campo de Caso', formes derogaes va años.

El partíu asturianista de creación nueva, que nun participa nes eleiciones del 28-M por decisión de la militancia, sí quier aprovechar el tiempu de campaña pa facer sentir la so voz.