Cómo siguir los resultaos del 28-M: el Gobiernu va habilitar una páxina web y aplicaciones pa móviles

El domingu, 28 de mayu, ye día d’eleiciones. Los colexos eleutorales van tar abiertos de 9 a 20 hores, momentu nel que va entamar l’escrutiniu, que va poder siguise na páxina web habilitada pol Gobiernu y por aplicaciones pa dispositivos móviles Android y iOS.

Del Executivu asturianu dependen les eleiciones a la Xunta Xeneral y a parrroquies rurales, polo que serán los resultaos d’éstes les que van tar accesibles nestes ferramientes dixitales. Les conceyiles, que tamién tienen llugar el 28-M, dependen del Estáu y tendrán el so propiu métodu de consulta.

En https://resultadosasturias2023.infoelecciones.com/ –entovía nun ta habilitada– y nes aplicaciones –la descarga va tar disponible dende'l vienres– van ufrise los resultaos provisionales dende les 20 hores, según vaya llegando los datos que faciliten los 706 representantes presentes nos 706 colexos eleutorales al traviés de tabletes. En total instálense nellos 1.559 meses de votación.

En toes estes ferramientamientes va poder consultase por país, por circunscripción y por conceyu. Tamién va haber accesu a datos xenerales, como’l censu, y va informase de les cifres de participación a les 14 y a les 18 hores.