Hasta'l 8 de mayu y con motivu de la XVII Selmana Cultural, puede vese nel Campus Universitariu de Santuyano n'Uviéu la muestra (Des)_Conexiones, esposición que presenta les obres de 19 artistes nuna amuesa onde pretenden rescamplar les "complexes rellaciones ente l'arte y el públicu".
 

La Conseyera de Cultura y Turismu, Mercedes Álvarez, informó de la creación d'una "Unidad de Traducción" que dependerá directamente de la Dirección Xeneral de Política Llingüística, y que "garantizará que cualesquier ciudadanu pueda dirixise n'asturianu a l'alministración del Principáu".
 

El paru aumentó nel primer trimestre del añu nel 2009 nel Principáu d'Asturies en 9.600 persones, lo que supón un aumentu del 19,57 por cientu en rellación col trimestre anterior, colo que'l númberu total de desemplegaos s'asitió en 58.500 persones, lo que representa una tasa de paru del 12,1 por cientu, según los datos de la Encuesta de Población Activa (EPA) fechos públicos pol Institutu Nacional d'Estadística (INE).

El conceyal de Cultura del Conceyu d'Avilés, Román Antonio Álvarez, confirmó en rueda prensa que'l nuevu intercélticu promovíu pol Ayuntamientu, que se denomina 'La fiesta comarcal del branu: festival intercélticu', va tener llugar en tola comarca ente'l 17 y el 26 de xunetu. "La gran novedá ye qu'esti festival va ser de toos y va incluyise la innovación", dixo.

El Gobiernu vascu ta acabante d’asoleyar el IV Mapa Sociollingüísticu, que recueye datos de 2006 y nel que se conseña que la llingua vasca tien un total de 863.000 falantes, una cifra que supón “el mayor númberu de falantes de tola so historia”, en palabres de la conseyera de Cultura en funciones, Miren Azkarate.

La sexta derrota seguida fai que l’equipu xixonés caiga a puestos de descensu. Sicasí, el marcador foi mas contudente de lo qu'espeyó'l xuegu dambos equipos. Mientres que los madrileños tiraron de les individualidaes, los asturianos dominaron el xuegu, anque la falta de pegada y una defensa feble sentenciaron el partíu. Tres esta xornada l'Sporting queda con 33 puntos, a ún de la salvación.

El perconocíu gaiteru maliayu José Ángel Hevia va ser nuevu académicu d'honor de l'Academia de la Llingua Asturiana. El nombramientu va tener llugar nel tradicional actu institucional que l'ALLA entama tolos años nel Teatru Campoamor d'Uviéu con motivu del Día de les Lletres Asturianes, qu'esti añu va ser l'ochu de mayu.

Yá ta too preparáu pa qu'esti sábadu día 25 se celebre la XXI edición del Conciertu pola Oficialidá, eventu entamáu pola Xunta  pola Defensa de Llingua Asturiana. y que xunta otra vuelta la música cola revindicación  de la oficialidá del asturianu. La organización espera muncho públicu na carpa instalada nel Campus del Milán d'Uviéu.
 
 

UNA entama los trámites pa presentase en solitario desque’l BNG nun aceptare a la formación asturiana como sociu na coalición que va axuntar tamién a Aralar, Esquerra, Chunta, Entesa, EA y un sector de Los Verdes.

La Xunta pola Defensa de la Lingua Asturiana llama a movilizase en defensa de la oficialidá'l próximu día 8 de mayu, na tradicional manifestación del Día de les Lletres Asturianes. Baxo'l lema "Agora tenemos la palabra", la XDLLA convoca a la ciudadanía a movilizase conseñando que "a les puertes d’una nueva reforma del Estatutu d’Autonomía d’Asturies ye necesario dar otru pasu y llograr el reconocimientu del asturianu como llingua oficial".