La Bandina va tocar esti domingu en Xixón d'un xeitu daqué diferente a lo que ye habitual nel grupu. Nun va cambiar la música de La Bandina, pero sí va ser diferente la manera na que se desarrolle'l conciertu, ya que l'actuación ta dientro nel programa "Música Maestro" que busca xuntar lo didactico col espectáculu musical.
 

La Directora Xeneral de Política Llingüística, Consuelo Vega Díaz, asistirá los prósimos díes 20 y 21 d’abril de 2009 a les Xornaes sobre “La Carta Europea de Lenguas Regionales o Minoritarias: logros y retos” que se van celebrar nel Muséu Guggenheim de Bilbao.

Esti vienres Llangres va siguir cola so xira de presentación del so últimu discu Entá. El teatru Filarmónica d'Uviéu va ser esta vegada l'escenariu que va acoyer los sones del discu d'esti grupu de la cuenca'l Nalón.
 

Con motivu de la muerte recién de la escritora y decana de les lletres asturianes Nené Losada Rico, l'escritor y académicu Vicente García Oliva quier col artículu tituláu "La dama de la poesía asturiana" facer alcordanza de la so figura lliteraria y personal. Un homenaxe al que quier sumase Asturies.com ufriendo a los sos llectores esti testu na so sección d'opinión.

La Executiva d'IU d'Asturies caltuvo un conceyu nel que se trató la situación xenerada na formación política y nel so grupu parlamentariu na Xunta Xeneral depués de que'l diputáu Francisco Javier García Valledor s'apartare de la disciplina de partíu nuna votación.
 

L'Ayuntamientu de Xixón presentó la publicación del "Pallabreru del fútbol" editáu pola Oficina Municipal de la Llingua de la Conceyalía de Cultura Tradicional y Política Llingüística. El responsable del área, l'edil Jesús Montes Estrada destacó na so intervención el "esfuerzu" que dende hai dos años fai'l so departamentu "de tirar por coses que tienen que ver cola llingua y la cultura asturiana".
 

La nuesa llingua foi protagonista recién en dos medios de comunicación del país mediterráneu: nel diariu Avui, qu'ufrió a los sos llectores un reportaxe tituláu "L'asturià dóna la cara" ("l'asturianu da la cara"), y na revista "Els marges", qu'asoleyó nel so últimu númberu un estudiu del filólogu Ramón d'Andres tituláu "Astúries i l’asturià a la traducció catalana de la Historia universal de Paniceiros". 

L'Índiz de Precios de Consumu (IPC) aumentó una décima nel Principáu d'Asturies (+0,1%) sobre'l mes anterior, mientres que nel conxuntu del Estáu l'incrementu foi de dos décimes. D'esta manera, la tasa asítiase nel -0,1% n'Asturies, el mesmu descensu rexistráu nel Estáu foi nos últimos doce meses.

Si hai unos díes el BNG daba anuncia de la so intención de sumase a la coalición de la izquierda nacionalista entamada por ERC y Aralar, agora ye la coalición entamada pol PNV y Convergència i Unió la qu'anuncia la so composición de cara a los comicios.
 

La Xunta pola Defensa de la Llingua Asturiana y la so estaya de mocedá, Xunta Moza, presentaron güei los detalles de la XXI edición del Conciertu pola Oficialidá, ún de los eventos más relevantes del panorama musical asturianu que vien faciéndose añu tres añu ininterrumpidamente dende 1988. Nesta ocasión, el conciertu va facese n’Uviéu nel recintu del Campus d’Humanidaes de Santuyano, el sábadu 25 d’abril a partir de les 7 de la tarde.