L'acuerdu ente Estaos Uníos y Cuba pa retomar les negociaciones directes sobre inmigración forma parte d'un "nuevu camín hacia alantre" ente dambos países, indicó esti llunes la secretaria d'Estáu norteamericana, Hillary Clinton.
 
El Gobiernu de Cuba solicitó'l pasáu sábadu mediante una nota l'entamu otra vuelta d'estes conversaciones, interrumpíes pola Alministración del ex presidente George W. Bush en xineru del 2004, y propunxo tamién el reestablecimientu de les negociaciones sobre l'unvíu postal ente dambos países, suspendíu dende hai décades.
 

A lo llargo del mes d'abril se modificaron les perspectives adverses sobre la evolución de la economía internacional y estatal, anque siguieron apaeciendo signos positivos. Nesi panorama "sombríu" la economía asturiana tresmite unos síntomes paecíos que se puen concretar nuna cayida xeneralizada de l'actividá productiva, si bien dalgunos indicardores llaborales, d'ufierta y de demanda amenorguen el so ritmu de contraición.

Los principales diarios publiquen esti domingu encuestes electorales de cara a les elecciones europees del próximu 7 de xunu. El denominador común de toes elles ye la victoria del Partido Popular sobre'l PSOE. Según estes encuestes algamaríen representación na eurocámara la "Coalición por Europa" (CiU-PNV-CC) con ente dos y trés escaños, Izquierda Unida ente 1 y 2, "Europa de los Pueblos" (ERC-BNG-Aralar-CHA-EA-Verdes) tendría ente 1 y 2. UPyD podría conseguir un escañu.

La Universidá d'Uvieú almitirá de magar el próximu mes de xunu documentos escritos n'asturianu, siempre y cuando conlleven una tramitación cenciella y non una xestión o respuesta urxente. Ye lo qu'afita'l reglamentu sobre presentación d'escritos n'asturianu qu'ayer aprobó'l Conseyu de Gobiernu de la Universidá, por 36 votos a favor, nengún a la escontra y cinco astenciones, un resultáu que'l rector, Vicente Gotor, consideró "sorprendente".

Los abogaos que defendieron la causa de la Memoria Histórica aseguraron güei que la denuncia almitida a trámite pol Tribunal Supremu contra'l xuez de l'Audiencia Nacional Baltasar Garzón por prevaricación pretende que "se olviden los fechos criminales cometíos pola Dictadura franquista".

El pasáu mes d'abril el Conceyu de Xixón presentó la publicación "Pallabreru del fútbol", llibru editáu pola Oficina Municipal de la Llingua de la Conceyalía de Cultura Tradicional y Política Llingüística. Esta obra, que contién gran bayura de términos futbolísticos nel nuesu idioma y cuenta con prologu del míticu xugador del Sporting Enrique Castro "Quini", yá ta disponible de baldre na rede.

Esti vienres 29 de mayu nel local del Conceyu Abiertu, asitiáu na cai La Gascona, 12 Baxu A d'Uviéu, va entamase desde les 4 la tarde un taller de baille tradicional asturianu impartíu por Paula Cristóbal, que ta vinculada al folclor dende bien neña y ye miembru de dellos grupos de baille tradicional asturianos y del grupu de pandereteres "Herbamora".

Más de 30 persones fueron deteníes esti xueves nel marcu d'una operación de les fuerces de seguridá turques contra supuestos partidarios del Partíu de los Trabayadores del Kurdistán (PKK) en cinco provincies.
 
La operación, a cargu de la Xendarmería d'Izmir, desarrollóse nes ciudaes d'Estambul, Ankara, Izmir y Manisa, y na provincia de Van, según informó l'axencia de noticies estatal turca, Anatolia, que precisó qu'ente los arrestaos hai profesores y cabezaleros sindicales.
 

Toli Morilla ye un cantautor avezáu a trabayar con poemes d'otres persones nos sos cantares. Arriendes d'él mesmu por supuestu, Morilla tien enllenáu los sos discos y espectáculos de la obra de poetes asturianos a los que-y pon música, como por exemplu nos dos últimos trabayos, Nueche d'insomniu y Entropía. Pero esta vegada'l músicu asturianu foi más llonxe a la busca inspiración, crució'l charcu y topó a Bob Dylan, un de los músicos y poetes más influyentes del sieglu XX, que va sonar n'asturianu nel próximu trabayu de Toli Morilla.
 

El Ministeriu de Mediu Ambiente y Mediu Rural y Marín va invertir 17,5 millones d'euros n'actuaciones de desarrollu rural sostenible en 30 reserves de la biosfera, que xestionen les comunidaes autónomes, asina como corporaciones llocales. Ente elles, tán les asturianes de Redes, Somiedu y Muniel.los.