Les primeres proyeiciones de los resultaos de les elecciones llocales que'l xueves se celebraron en Reinu Uníu dexen al llaborismu col peor saldu de la so historia, dao que sólo diba llograr el 23 por cientu de los votos, y amás, de quedar como tercer fuerza política del país, diba ver cómo los conservadores diben distanciase de quedar como tercer fuerza política del país, diba ver cómo los conservadores diben distanciase 15 puntos, tres algamar el 38 por cientu.
 

A dos díes de la convocatoria electoral europea, Asturies.com ufre a los sos llectores la visión que d'estes elecciones tienen los trés candidatos de fuerces polítiques asturianes. Pablo Fernández, candidatu del Bloque por Asturies (integráu na coalición d'Izquierda Unida), Daniel Fernández, candidatu d'Unidá Nacionalista Asturiana, y Mariu Arbesú, candidatu d'Andecha Astur, respondieron a trés preguntes claves nesta cita con Europa.

Al traviés d'un comunicáu, los 65 "militantes d’Andecha Astur que lluchen pola democracia interna nel so partíu", que caltienen un procesu contenciosu-alministrativu contra la direición d'esta formación realizaron güei un llamáu a la mesma pa que retire la so candidatura "fraudulenta" a les elecciones europees, basándose nel autu xudicial que, con fecha 29 de mayu, confirmó un requerimientu anterior nesti sen.

Un trabayu sobre'l dramaturgu asturianu Pachín de Melás y otru sobre la presencia del llobu na tradición oral asturiana fueron dalgunos de los premiaos nos concursos de l'Academia de la Llingua sobre investigación y creación lliteraria, na so edición 2009.

El Ministeriu de Mediu Ambiente y Mediu Rural y Marín (MARM) sancionó a la empressa ArcelorMittal España S.A. con 150.000 euros y la obligación d'indemnizar polos daños causaos al dominiu públicu hidráulicu con 1.380.15 euros, pola apaición de manches de vertíos d'hidrocarburos nel cauce de la ría d'Avilés, según consta nuna Resolución del Ministeriu con fecha de 4 de mayu.

Un grupu de persones, nes sos pallabres, "militantes d'Andecha Astur", que caltienen dende hai dos años un pleitu contencioso-alministrativu cola direición d'esta organización política, informó que'l xulgáu nº3 d'Uviéu ordenó, como midida preventiva, la retirada de la candidatura d'esta formación a les elecciones europees. Asturies.com púnxose en contactu con Andecha Astur pa recoyer la so reacción. El so candidatu negó "qu'Andecha nun puea presentase".

Unidá Nacionalista Asturiana acaba de presentar una serie de videos nos que distintes persones del asturianismu piden el votu pa esta formación nacionalista de cara a les elecciones europees. Ente elles alcuéntrense Xosé Antón Fernández "Ambás", Fernando Ornosa o Tina Cuadriello.
 

Según los datos del Avance del Padrón Municipal, publicaos pol Institutu Nacional d'Estadística (INE), la cifra provisional de residentes n'Asturies s'asitia nos 1.085.110 habitantes, 4.972 más qu'a 1 de xineru del 2008. Con esti datu, el nuesu país foi una de les comunidaes autónomes que rexistró un menor crecimientu poblacional demientres 2008, con un incrementu del 0,5 por cientu, lo que l'asitia per baxo del incrementu estatal qu'algamó'l 1,1 por cientu, hasta los 46.661.950 ciudadanos.

L'Academia de la Llingua Asturiana dio anuncia de qu'esti vienres 5 de xunu a les 12 la mañana nel hotel Principado (c/San Francisco 5) d'Uviéu van entregase los premios a los ganadores de los Concursos de l’Academia de la Llingua Asturiana 2009.
 

El secretariu de Mediu Ambiente del PSOE a nivel estatal, Hugo Morán, xustificó güei la instalación n'Asturies de dellos equipamientos criticaos pol so impautu visual o'l so supuestu carácter contaminante, como la llinia eléctrica Lada-Velilla, o la planta regasificadora d'Aboño, como pasos hacia'l "modelu enerxéticu sostenible" que, según aseguró, defende la so formación.