El conseyeru d'Educación y Ciencia del Principáu d'Asturies, acompañáu pol presidente de la Federación de Bolos del Principáu d'Asturies, Desiderio Díaz, inauguró ayer la nueva bolera del Colexu Públicu "Jacinto Benavente", asitiáu na parroquia xixonesa de Vega. Riopedre mostróse partidariu de recuperar el deporte tradicional de los bolos nos centros docentes.

Un añu más el conceyu de Bimenes entama otra vuelta la "Fiesta de la Oficialidá de la Llingua Asturiana", un eventu que va desarrollase ente los díes 26 de xunu y 4 de xunetu y col que se quier facer alcordanza de la declaración d'oficialidá del nuesu idioma nel conceyu yerbatu nel añu 1996. Una fiesta qu'axunta dellos actos y que tien nel sábadu 4 de xunetu'l so día central.

El sindicatu d'enseñanza SUATEA recordó, tanto a la Inspeición Educativa como a tolos centros d'enseñanza pública d'Asturies, que "l'asignatura de Llingua Asturiana y Gallego-Asturianu ye d'obligada ufierta y que lo mesmo que los inspectores de los centros tienen que procurar velar pol cumplimientu de toles lleis educatives, deberíen facer lo mesmo col accesu al estudiu y conocimientu de la nuesa llingua, que ye un derechu reconocíu espresamente pola llexislación y qu'ha respetase y garantizase".

La ministra de Cultura, Ángeles González Sinde, treslladó a la conseyera de Cultura y Turismu del Principáu d'Asturies, Mercedes Álvarez González, el compromisu del Gobiernu pa inaugurar a últimos d'añu l'Archivu Históricu de la Comunidá. L'Executivu central financió los 15 millones d'euros necesarios pa la so puesta en marcha.

El "Muséu del Pueblu d'Asturies" de Xixón entama pal mes de xunetu dos cursos de branu que tienen la música tradicional asturiana como protagonista. Per un llau va celebrase un "Taller de percusión d’acompañamientu en bandines tradicionales", y per otru un cursu pa neños dedicáu a la gaita y los instrumentos de percusión que l’acompañen, nel que se combinarán clases teóriques y lleiciones práctiques con conciertos y actividaes complementaries.

Col títulu de "Le Portugal bilingue. Histoire et droits politiques d’une minorité linguistique: la communauté mirandaise" ("El Portugal billingüe. Historia y derechos políticos d'una minoría llingüística: la comunidá mirandesa") la universidá bretona de Rennes asoleya un estudiu de Michel Cahen, investigador francés especializáu n'historia colonial portuguesa.

La Plataforma de Docentes de Llingua Asturiana amosó'l so "más fondu malestar ante la situación provocada polos grupos parllamentarios de la Xunta Xeneral del Principáu d’Asturies" tres la votación d'esti vienres pasáu. Según esta plataforma los populares "amagostaron col PSOE una proposición que nun garantiza la estabilidá de los puestos de trabayu, nin la de trabayar en condiciones dignes como’l restu de compañeros docentes".

Patrick Zimmerman (California, 1981) llegó a Asturies curiosamente’l pasáu 8 de setiembre cola intención de recoyer información pa la so tesis doctoral, que trata sobre’l nacionalismu asturianu dende la transición. Asturies.com quixo falar col investigador norteamericanu enantes del so regresu a EE.UU pa que tresmitiera a los nuesos llectores la so visión del pasáu, presente y futuru del asturianismu. 
La entrevista puede lleese nesti enllaz.

El voceru parlamentariu del Partíu Socialista na Xunta Xeneral del Principáu, Fernando Lastra, señaló güei que'l diputáu d'IU-BA-Verdes, Francisco Javier García Valledor, tien una "inversión de valores mui grande". "Nun pue ser que crea que'l drama que vive agora Asturies ye'l de la llingua asturiana", dixo.

SUATEA, Xunta pola Defensa de la Llingua, Bloque por Asturies y UNA llamentaron güei'l resultáu del debate sobre la especialidá d'asturianu na Xunta Xeneral, nel que s'alcordó pidir un estudiu xurídicu sobre l'asignatura