Aficionaos gallegos empobinen l'alcuentru navidiegu de la Selección gallega

|

El colectivu Seareir@s Galegos, grupu de sofitu a les selecciones gallegues, organiza’l sábadu 26 d’avientu, nel compostelán campu de fútbol de Santa Isabel, un alcuentru ente la Selección gallega de fútbol y un combináu de xugadores estranxeros que xueguen en Galicia.

La iniciativa bien por mor de la negativa del Gobiernu gallegu a empobinar un partíu de la Selección gallega, tres que demientres la llexislatura del bipartitu (PSOE-BNG), Galicia enfrentárase a Uruguay, Ecuador, Camerún ya Irán.
 
L’equipu gallegu tará formáu por xugadores de la tercera división, anque habrá dalgunos de segunda B. La Federación Gallega de Fútbol nun tien pensáu organizar nengún partíu, yá que la Xunta de Galicia nun-yos destinaron nenguna partida económica pa organizar un alcuentru ente xugadores gallegos de la división d’honor y una selección estatal internacional.

Contador Estadistiques