Israel llogra que la UE nun reconoza Xerusalén Este como capital palestina

Los 27 estaos miembros de la Unión Europea refugaron reconocer Xerusalén Este como futura capital del Estáu palestín. Foron díes de presiones israelines, na que’l mesmu primer ministru, Binyamin Netanyalu, llamó a los líderes europeos, ente ellos José Luis Rodríguez Zapatero, pa que nun aprobaran la iniciativa sueca sobre Xerusalén Este.

Les conclusiones del Conseyu de Ministros d’Esteriores nun reconocen la capitalidá árabe como pretendía Suecia, presidente de turnu de la Unión. Israel algamó una redacción más sele onde s’afala a “algamar el camín al traviés de negociaciones que resuelvan l’estatus de Xerusalén como capital de dos Estaos”.
 
Del mesmu mou, llámase a les dos partes pa volver entamar negociaciones. Sicasí, el testu ye abondo más críticu con Israel de lo qu’aveza ser la UE. Asina, pídese’l fin de los asentamientos xudíos en territoriu palestín y afitase que les llendes ente Israel y Palestina son les de 1967, con Xerusalén Este como territoriu árabe.