Día del Llibru Asturianu

Les aventures de Harry Potter yá puen lleese n'asturianu

|

Les aventures d'ún de los magos más conocíos de la lliteratura universal yá pue lleese n'asturianu. La torna ye obra de Xesús González Rato y la so espublización correspuénde-y a Trabe, editorial que, de magar la presentación d'esti primer títulu "Harry Potter y la piedra filosofal" dirá asoleyando'l total de los siete volumes de la famosa serie de la escritora británica J. K. Rowling.
"Harry Potter y la piedra filosofal" ye'l llibru nel que posen les blimes de los seis restantes, la obra na que se nos presenta a un neñu güérfanu al que-y descubren les sos habilidaes pa la maxa entrando de siguío a formar parte de la escuela de magos más prestixosa: El Colexu Hogwarts.
Esta primer obra, que s'espublizó n'Inglaterra en 1997, ye ún de los llibros más vendíos de la historia, perpasando les 110 millones de copies y siendo tornada a 65 llingües de tol mundu. Esta torna al asturianu completa les ediciones de la obra nes restantes llingües del estáu.
Asina mesmo la Editorial Trabe ufierta la posibilidá a los llectores, pente medies del so Blogue, de descargar el primer capítulu del llibru.

Contador Estadistiques