1.921 titulaos opten a una plaza del MIR

Un total de 27.101 titulaos opten güei a una de les 8.098 places de formación sanitaria especializada, ufiertaes pol sistema de residencia y convocaes pol Ministeriu de Sanidá y Política Social. N'Asturies, 1921 aspirantes opten a una plaza de MIR.

Les pruebes selectives celebraránse paralelamente mañana, día 23 de xineru, a les 16.00 hores en les 418 meses d'exame distribuyíes por 21 cuidaes de les 17 comunidaes autónomes.

Por sestu añu siguíu y n'atención a les sos necesidaes en materia personal, les Comunidaes Autónomes pudieron determinar non sólo la ufierta de places en caúna de les especialidaes, sinón tamién la so distribución territorial ente los diferentes servicios de salú.
  
D'esta manera, el Ministeriu de Sanidá y Política Social convocó toles places que solicitaron les autonomíes nel senu de la Comisón de Recursos Humanos del Sistema Nacioanl de Salú.
  
Sobre a la ufierta de places, caltiénse la  progresión ascendente de convocatories anteriores. De les 7.303 places ufiertes na pasada convocatoria pa llicenciaos, pasóse a 7.487 esti  añu, lo que supón un incrementu del 2,5%. Esti aumentu ye común a la mayoría de titulaciones y ye especialmente relevante nes places pa químicos, que s'incrementen un 29,1%.
  
No que cinca a la Enfermería, la ufierta de places tamién ye ascendente, con un incrementu del 8,5% sobre l'añu pasáu. El repartu de places nesta titulación ye'l siguiente: 445 d'Enfermería Obstétrica-Xinecológica, 154 de Salú Mental y 12 d'Enfermería del Trabayu, que s'ufierten la primer vez.