El PNV pide que RTVE emita n'eusquera

El parlamentariu del PNV na Cámara vasca Luke Uribe-Etxebarria relcamó güei que Radio Televisión Española (RTVE) ofreza emisiones en n'eusquera nel País Vascu cola fin de contribuyir a la "normalización" d'esta llingua.

Uribe-Etxebarria, que rexistró una propuesta nesti sen nel Parlamentu autonómicu, indicó que RTVE, como ente públicu, "tien tamién la obligación y la responsabilidá de contribuyir a la normalización y estensión del usu del eusqeura, dao que realiza programes pa l'audiencia vasca en territoriu euskaldún".
  
Según recordó, l'artículu 6 del Estatutu de Gernika "establez que l'eusquera ye, xunto al castellán, l'idioma oficial d'Euskal Herria". Uribe-Etxebarria aseguró que los vascos "tienen el derechu a conocer y utilizar por igual" ambes llingües, y que les instituciones públiques "tienen la obligación de velar por ello".
  
Pal parlamentariu del PNV, si RTVE emitiere tamién n'eusquera ésta diba ser una señal de que "tamos ante un Estáu que se define como plurillingüe". En referencia al incrementu del númberu de canales que permite la emisión per Televisión Dixital Terrestre (TDT) indicó que "los espectadores contamos cada vez con un númberu mayor de canales de televisión", anque "pel momentu, sólo ETB-1 y ETB-3 emiten n'eusquera".
  
"La previsión ye que pronto contemos nos nuesos televisores con más de cien canales, polo que la presencia del eusquera y de los canales n'eusquera porcentualmente será a la baxa. D'ehí, la necesidá de comprometese y facer un esfuerzu a favor del eusquera", manifestó.
  
Poro, solicitó que nes sos desconexones pa Euskadi, RTVE ofreza emisiones n'eusquera col envís de contribuyir a la "normalización" d'esta llingua.