Entamen unes xornaes sobre les persones VIH

|

El Comité Ciudadanu Antisida entama’l ciclu de conferencies Acción y Voluntariáu énte'l Sida (AVASI), un espaciu d'alcuentru sobre la situación de les persones afeutaes pol VIH/Sida.

La xornada va entamar el vienres 23 d'abril a les 17.30 hores cola entrega de documentación, la inauguración y presentación va ser media hora más tarde con ‘Penalización de la tresmisión del VIH’, na que van intervenir Marcelo Palacios, presidente del Comité Científicu de la SIBI y miembru del Comité de Bioética d'España.

Darréu vien la ponencia ‘Derechu sancionador y VIH: L'anteproyeutu de Llei de Salú Pública d'Andalucía’, na qu’intervienen Mª del Carmen Barranco Avilés, profesora titular de Filosofía del Derechu y miembru del Institutu de Derechos Humanos Bartolomé de les Cases de la Universidá Carlos III de Madrid

Yá nel sábadu 24 d'abril, les ponencies entamen a les 11.00 hores, con ‘Tratamientu, nueves Families. Tendencies d’anguaño’, con Victoriano Cárcaba Fernández, Xefe de Serviciu de Medicina Interna del Hospital Valle del Nalón en Llangréu. A les 12:30 hores,  Mª del Mar Cuesta Rodríguez, enfermera de la Unidá de ITS del Hospital Monte Naranco, pon la conferencia ‘Curiando la mio salú sexual: Qué, cómo, ónde”.

Depués del descansu, a les 18.00 hores, va haber una mesa redonda o "Programa Asesoramientu Xurídicu", na que va intervenir Marco A. Imbert Escobar, presidente de l'Asociación T4 Elkartea. Darréu Mª Dolores Fernández Forcu, coordinadora Programa Apoyo. Comité Anti-Sida Asturias, va falar de la discriminación n'Asturies.

Les inscripciones son per telefono (985 33 88 32), per fax (985 33 88 32) o per corréu electrónicu (infocomiteantisida-asturias.org) indicando nome, apellíos y oficiu o actividá que realiza. Sicasí, nun ye necesariu inscribise p'asistir a ponecias individuales. AVASI 2010 va celebrase los díes 23 y 24 d'abril nel salón d'actos del Centru de Cultura Antiguu Institutu de Xixón (plaza del Parchís o calle Xovellanos 21).

Contador Estadistiques