L'escultor estaoxunidense Richard Serra resultó galardonáu col Príncipe d'Asturies de les Artes 2010, según fixo público güei n'Uviéu'l Xuráu encargáu de la so concesión.

Güei, a les 20 hores, el Club de Prensa Asturiana d’Uviéu, va acoyer la presentación de ‘Filandón en Xedré’, documental de más de dos hores que recrea esta institución tradicional.

Fai! quier conmemorar el 25 de mayu cola II Folixa Nacional ‘Asturies enxamás vencida’, conciertu onde actuarán Mallacán, La Tarrancha, Arma X, Galán y Da Robotz.

La organización de mocedá independentista presentó güei en rueda de prensa’l conciertu, que va celebrase’l próximu sábadu 22 de mayu, a les 20 hores nes dependencias de la Casa Sindical de Xixón.

Fai! quier asina facer alcordanza de la “dignidá” del 25 de mayu, “día que foi hitóricamente celebráu como día d’Asturies enantes de la Transición”, en cuenta del 8 de setiembre, “día de la Santina”.

El 61% de los llectores d’Asturies.com camienta que’l programa empobináu pola Conseyería de Cultura pa celebrar la pasada Selmana de les Lletres Asturianes ye mui probe.

Mietres, un 20% de los llectores ve los actos como afayadizos, el mesmu porcentaxe al que nun-y importa un res el conteníu del programa.

Asturies.com abre güei una nueva encuesta.
 
La Selmana de les Lletres entama en Mieres el 3 de mayu
 

La Coordinadora Ecoloxista d’Asturies treslladó al Principáu la so oposición al proyeutu d'un propietariu de talar 11,44 hectárees de la Reserva Natural Integral de Munieḷḷos.

Afirmen que quieren salvaguardar la integridá d'esti espaciu protexíu con motivu del trámite de suxerencies de la xestión forestal de Villieḷḷa en Cangas. Esti riesgu surde d'una solicitú de los  Planes d'esplotación forestal de finques asitaes na Villieḷḷa y los Moracales/Solauteiro, nel  conceyu de Cangas.

La feria Libroviedo, asitiada nel Paséu de los Álamos, va acoyer esta selmana tres presentaciones de llibros n’asturianu que foron premiaos en dellos certamenes de  lliteratura infantil.

Mañana, miércoles 12 de mayu, a partir de les 13 hores, ye la presentación de dos volúmenes, que foron premiaos con accésits nel II Premiu Asturnews de Lliteratura Infantil y Xuvenil. Los volúmenes espublizaos agora son ‘Unos cuentos de muerte’, d’Abel Martínez González; y ‘Febreru, 29’ de Xurde Fernández y Marián García.

Roberto Colunga acusó al alcalde de Grandas de Salime, Eustaquio Revilla, de "actuar por intereses personales y partidistes" depués de la destitución de Pepe El Ferreiro.

L'abogada xeneral del Tribunal de Xusticia de la Xunión Europea dictaminó que'l canon dixital que s'aplica n'España ye illegal porque s'impón indiscriminadamente.

El realizador candasín Pablo A. Quiroga, cronista audiovisual del movimientu de reivindicación llingüística, yá xubió a YouTube un videu sobre la manifestación del Día de les Lletres.

La convocatoria, celebrada’l pasáu vienres 7 de mayu, entamó na Estación del Norte d’Uviéu y espurrióse hasta les puertes del Teatru Campoamor. Na mesma, participaron unos 5.000 persones.

El Rector dixo que nun van prescindir de personal porque Bolonia requier más profesoráu, anque nun van cubrir les places vacantes polos problemes presupuestarios.

Gotor fixo estes declaraciones güei a los periodistes antes de participar xunto al conseyeru de Salú y Servicios Sanitarios del Principáu, José Ramón Quirós, na presentación del resultáu de la Campaña Universitaria de Donación de Sangre, que se celebró nel Edificiu Históricu.