Primera intervención en gaélicu nel Conseyu de la UE
|
15 Mayu, 2010 por Damián Barreiro
- Inicie sesión o rexístrese pa espublizar comentarios
El ministru d'Educación escocés intervino per primer vegada en gaélicu nel Conseyu de ministros europeos. Amás, reclamó que cualesquier llingua tendría que ser oficial dientro de la UE.
Michael Russell, que participó esti martes en Bruxeles nel Conseyu d'Educación y Cultura como representante de Gran Bretaña, amosóse satisfechu con esti pasu pero reclamó que'l gaélicu seya dafechu oficial na UE porque cree que “cualesquier llingua falada significativamente na UE tendría que tener esti status”.
Dende'l mes d'ochobre del 2009, y gracies a unos alcuerdos roblaos ente la Representación Permanente de Gran Bretaña énte la UE y el Gobiernu escocés, el gaélicu puede ser utilizáu en dellos escenarios de la UE. Poro, Russell, del partíu independentista escocés SNP, faló en gaélicu na so intervención nel Conseyu.
La intervención d'esti martes forma parte d'un plan d'acción del Gobiernu escocés pa garantizar el futuru de la llingua, que ta perdiendo falantes énte l’inglés. “Creo qu'hai que facer avanzar al gaélicu n'Europa y amosar a los falantes que ye una llingua que pue ser utilizada en cualquier llugar”, afirmó Russell.
Efrén d'Andrés
Comentarios
!Que estremaos los politicos de nos y los otros llaos¡ Aquí, córtense la llengua enantes falar en asturiano. Tien cantu, que una llingua con menos falantes que l'asturianu ande per la UE y la nuesa sumía per entre los despachos...
Entós que ye, que los políticos irlandeses enxamas falaren na so llingua nacional nesi organismu?? Depués de vivir un tiempu en Dublín casi que puedo respondeme a mi mesmu... que murniu.