Cospedal: "Si Cascos ye'l meyor candidatu, va tener tol apoyu"

María Dolores de Cospedal, afirmó que la dirección nacional del so partíu va apoyar el meyor candidatu que proponga'l so partíu n'Asturies pa les elecciones de 2011.

En declaraciones a RNE recoyíes por Europa Press, preguntáron-y pola posible candidatura de Cascos pa encabezar les llistes del so partíu na comunidá, a lo que respondió que-y "paecerá un bon candidatu" en función de qu'asina lo entienda'l PP asturianu.

"Si'l PP d'Asturies piensa que Cascos ye'l meyor candidatu n'Asturies, por supuesto va tener tol apoyu de la dirección nacional del partíu", dixo, pa precisar que si'l partíu a nivel d'Asturies entiende que "tenga de ser otra persona, tamién va tener tou esi apoyu".
  
Sicasí, nuna rueda prensa posterior na sede nacional del PP, Cospedal evitar esclarar si l'ex vicepresidente del Gobiernu Francisco Álvarez Cascos va ser el 'candidatu popular' pa presidir el Principáu.
  
"Nun pueo esclarialo porque tovía'l PP d'Asturies nun fizo una presentación o una propuesta formal de candidatu. Repito en que vamos tener el meyor candidatu p'Asturies pero nun tenemos tovía una decisión", indicó a pesar de que'l presidente del PP d'Asturies, Ovidio Sánchez, treslladó la propuesta al mesmu líder nacional, Mariano Rajoy.