Problemes en Valencia cola matriculación en catalán

La Federación Escuela Valencia denunció que la Conseyería d’Educación autonómica ta impidiendo l’apertura de nueves clases dafechu en catalán, “cuando la ufierta ye insuficiente”.

El pasáu vienres acabó'l periodu de matriculación pal cursu que vien nes escueles del País Valencianu. La Federación Escuela Valenciana (FEV) prevé que, un añu más, miles de families nun vean respetaos los sos derechos llingüísticos, yá qu’a pesar de solicitar enseñanza en catalán van recibila en castellán porque la ufierta en llingua catalana ye insuficiente, anguaño sobre’l 25%.

La FEV asegura que dende la Conseyería d’Educación valenciana, comunicaron verbalmente a los direutores de los centros educativos que solicitaren abrir nueves llinies en valencianu, qu'estes se refugaríen sistemáticamente. Les llinies en valencianu son grupos d’escolinos a los que s’imparte too en catalán, menos inglés y castellán.

La solicitú de nueves llinies en catalán foi alcordada polos conseyos escolares y cunta col vistu bonu de la inspección de la mesma conseyería. La FEV tien constancia qu'esto pasó a lo menos en 40 centros del País Valencianu, pero calculen qu'otros munchos s'atopen na mesma situación.