Areces felicítase de la decisión sobre Soto-Penagos

Areces mostró la so satisfacción pola aprobación d'un alcuerdu pol que se declaren d'urxente ocupación los bienes y derechos afeutaos pola llinia Soto Ribera-Penagos.

El presidente del Principáu, enantes d'intervenir nuna ponencia entamada la CRPM (Conferencia de les Rexones Perifériques Marítimes) en Llaboral Ciudá de la Cultura, recordó que'l Principáu tuvo "mui activu" pa que la llinia d'evacuación llétrica saliere alantre, polo qu'estimó'l trabayu realizáu dende los ministerios d'Industria y de Mediu Ambiente pa poder desbloquiar la situación, lo mesmo que de Rede Eléctrica.
  
A esti respeuto, destacó les inversiones "verdaderamente elevaes" de Rede Eléctrica n'Asturies dirixíes a esi ámbitu que ye clave, na so opinión. Sicasí, calcó en qu'hai un problema pendiente que ye preciso tratar "urxentemente", que ye Lada-Velilla.
  
L'acuerdu del Conseyu de Ministros va afeutar a les finques de propietarios que nun llegaren a un alcuerdu amistosu cola empresa solicitante, y declara la urxente ocupación de bienes y derechos gravaos pola servidume de camín pal establecimientu de la llinia eléctrica aérea a 400 kV, simple circuitu, Soto Ribera-Penagos, trazáu qu'afecta a les Comunidaes Autónomes d'Asturies y Cantabria.