L’Academia convoca la prueba de conocencia de mayu

|

L'Academia de la Llingua va facer el sábadu  29 de mayu la prueba qu’acredita’l conocimientu básicu del idioma, la matricula ta abierta dende’l pasáu llunés y hasta’l día 27.

Esta ye la segunda convocatoria añal que fai la institución, la primera foi en xineru. A les persones declaraes aptes nes pruebes citaes, l'Academia dará-yos un documentu onde s'afite la conocencia nel nivel 1 o básicu.

Pal bon resultáu d'estes pruebes habrá tenese un dominiu básicu na conocencia de la gramatica y normativa del asturianu y nel emplegu amañosu de la llingua, puestu en práutica gracies a exercicios gramaticales y de composición escrita. Amás del emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador.

Del mesmu mou, los examinaos tendrán que tener una conocencia del allugamientu de la llingua dientro de la sociedá asturiana, asina como del procesu de normalización en que ta inxerta. Los interesaos puen apuntase al traviés del corréu alla@asturnet.es, nel llar de l’Academia, cai Marqués de Sta Cruz, 6-2º-Uviéu o nel teléfonu 985 211 837.

 

Contador Estadistiques