25-M; Cuando Asturies asume que ye un país

Tolos entrevistaos señalen la importancia de la fecha pa la historia d’Asturies, señalándola como un día na que’l pueblu asturianu asumió la idea de coleutivu con una identidá propia.

“Axunta modernidá y tradición, amás d'un fuerte conteníu cívica, marca l'aniciu de la dómina contemporánea n'Asturies y amás pela puerta grande”, diz l’historiador y voceru d’UNA Faustino Zapico.

Mientres qu’Humberto Gonzali recuerda que’l 25 de mayu ye una fecha d’afirmación de la nuestra identidá venceyáu a un momentu históricu de xuntura patriótica, “onde la mayoría de la xente asturiano, más alló de la so clase o interés políticu, supo lluchar a comuña pol futuru del país”.

“Ye la fecha na que’l pueblu asturianu reclamó’l so drechu de decidir, participó de manera activa na vida pública, constituyó la bandera, proclamó la soberanía d’Asturies y les sos instituciones”, afirma Xosé Firmu, miembru del Bloque por Asturies.

Dende Darréu, Xosé Alberto González camienta qua’l llevantamientu de 1808 amosó la voluntá que tuvo'l pueblu asturianu por defendese baxo la bandera del so propiu determín, “como pueblu estremáu del restu”.

Iyán González, miembru de Fai!, apunta que la fecha supón l'apaición de les clases populares como exa central al rodiu de la que xira'l llevantamientu revolucionariu. “Ye especialmente significativo que fueren dos muyeres, Marica Andayón y Xuaca Bobela, les que son a irguir al pueblu d'Uviéu pa obligar al poder a llevantáse anque esti nun quixera, amás, el pueblu fáilo consciente de querer caltener les sos instituciones”, afirma.