La Xunta de Personal quier falar con Riopedre sobre l’asturianu

La Xunta de Personal Docente fai un llamáu a la movilización contra les midíes de Zapatero. Amás, pidieron aconceyase con Riopedre pa tratar la situación del asturianu nel enseñu.

Nun plenu de la Xunta de Personal Docente Non Universitariu celebráu ayeri los delegaos pertenecientes a les cinco organizaciones sindicales con presencia nel sector (SUATEA, FETE-UXT, FE CCOO, ANPE y CSI-CSIF) decidieron pidir un una entrevista urxente col Conseyeru d'Educación pa falar de  la enseñanza de la llingua asturiana y del gallego-asturianu n’Educación Infantil

Nel aconceyamientu con José Luis Iglesias Ripedre quieren tratar tamién sobre l'aprobación de resoluciones rellacionaes coles fusiones de centros, la construcción o remodelación de Colexos ya Institutos y la situación de les comisiones de servicios.

Refuga de les midíes pa reducir el déficit

Cuarenta delegaos de la Xunta de Personal concentráronse ayeri llunes 24 de mayu a les 13.15 hores na Plaza d'España d’Uviéu pa refugar les midíes aprobaes apocayá y publicaes ayeri nel BOE poles que se conxelen les pensiones, retayen les prestaciones derivaes de la Llei de dependencia y amenorguen los xornales del personal emplegáu públicu.

La Xunta de Personal fai un llamamientu al profesoráu a movilizase en contra d'estes midíes “que pretenden facer pagar la crisis a el que nun tien nenguna responsabilidá na mesma”. La mesma Xunta de Personal entamó un procesu de movilizaciones cola concentración énte Delegación del Gobiernu.