L'exame de la selectividá n'Asturies incluyó esti añu una pregunta sobre la situación sociollingüística d'Asturies na modalidá de Llingua y Lliteratura.

La próxima selmana va presentase en Valladolid CartoDial, un proyeutu del Seminariu de Filoloxía Asturiana que va permitir tipificar l'eonaviegu y llendar les fronteres ente llingües.

Fernando Álvarez-Balbuena García, Ramón d’Andrés Díaz, Xosé Miguel Suárez Fernández y María Cueto Fernández van intervenir nel IX Congresu Internacional de Llingüística Xeneral, que se va celebrar na Universidá de Valladolid del 21 al 23 de xunu.

Educación ofrez pal próximu cursu siete nuevos ciclos profesionales de FP, colo que'l catálogu de titulaciones elévase a 86, De los que 53 son de grau superior y 33 ciclos de mediu.

Ante la manifestación convocada por CC.OO y UXT en defensa de les Cuenques Mineres, el Bloque por Asturies del Nalón y del Caudal, fai un llamáu pa participar na convocatoria.

La organización diz que considera qu’esisten razones pa esta convocatoria. Asina, “el paru nes Cuenques algamó cifres  bien esmolecedores, les empreses creaes al calor de los fondos mineros, atraviesen serios problemes, sufriendo dellos ERES, cuando nun tán avocaes al piesllu si daquién nun lo torga, como ye'l casu de Venturo XXI”.

La ex conseyera Laura González, dixo que "la estabilidá del Gobiernu ye un valor, pero IU nun pue prescindir de los sos principios", ente los que ta "la defensa de los trabayadores".

Preguntada pol posible distanciamientu ente IU y PSOE por cuenta de les reformes propuestes pol Gobiernu del Estáu, González respondía asina momentos antes de participar na xunta del xuráu del Premio Príncipe d'Asturies de Cooperación Internacional, que se celebró güei nel Hotel de La Reconquista.

La Conseyería de Bienestar Social dispón del primer mapa de foses comunes con 343 enterramientos en 55 conceyos, que va tar a disposición pública en 'www.asturias.es'.

Del total d'enterramientos, 322 correspuenden a víctimes de la represión franquista y 21 a combatientes; coles mesmes 60 son individuales y el restu colectives. Pal desarrollu del mapa contrastáronse distintes fontes documentales y orales qu'acrediten total o parcialmente les foses.

David Cameron calificó de "inxustificable" la muerte de 14 manifestantes en xineru de 1972 por disparos del Exércitu británicu en Derry y "en nome del Gobiernu" pidió perdón.

Asturies tien un total de 10.325 hectárees dedicaes al cultivu del pumar, de les que más de 2.000 tán en Villaviciosa. Los conceyos del Navia-Eo son los que menos tienen.

La Conseyería de Mediu Rural y Pesca, en collaboración cola Área d'Información y Xestión Cartográfica del Centru de Cartografía, encargóse a finales del pasáu añu al Institutu de Recursos Naturales y Ordenación del Territoriu de la Universidá d'Uviéu (INDUROT) la ellaboración d'una cartografía del pumar n'Asturies que dexara conocer la superficie destinada a esti cultivu, según la so distribución xeográfica.

El 19 de xunu va presentase n’Eilao ‘Conceyo de Cantares’, un CD con doce cantares n’eonaviegu que quier amosar la variedá de los conceyos del Parque Histórico del Navia.

El CD ta formáu por doce grupos y solistes, con cantares d’estilos bien estremaos, dende’l folk sentíu ya intimista o más convencional, el pop-rock, rock-folk… y cantares tradicionales del occidente, dalgunos d’ellos yá editaos y recopilaos y otros fecho pa la ocación.