Cospedal repite que nun hai candidatu del PP n'Asturies

La secretaria xeneral del PP, María Dolores de Cospedal, volvió negar güei que'l partíu tenga "nengún nome pensáu pa les eleiciones de 2011, nin Álvarez Cascos nin otru.

En rueda prensa güei na sede nacional del PP, preguntáron-y otra vuelta pola posibilidá de que l'ex ministru encabece'l cartelu electoral nel Principáu o si 'Génova' baxara otru nome más. "Non, nun tenemos nengún nome", respondió tayante la secretaria xeneral. "Nun hai novedá", sentenció.

Dende que n'Asturies se llanzó un supuestu interés de Cascos por ser candidatu del PP a la presidencia del Gobiernu autonómicu, la secretaria xeneral asegura que'l procesu d'eleición ta abiertu y que los númberos 1 del partíu van decidilos les direcciones llocales acordies cola dirección nacional, sin más esplicaciones.
  
Güei aseguró qu'en delles autonomíes van repitir los candidatos y n'otros tase en fase d'elección. "Tamos nesi procesu, nun hai novedá", acabó.