Xega celebra l’Arguyu 2010 en Xixón

El 28 de xunu, Día de Lesbianes, Gais, Transexuales y Bisexuales (LGTB), Xega celebra la xornada con un actu institucional y la manifestación del Arguyu 2010 en Xixón.

L’actu va entamar a les 19.30 hores nel Antiguu Institutu de Xixón, con representación del Conceyu, Parllamentu y Principáu, amás de delles organizaciones. Darréu de les intervenciones de les fuerces polítiques, sindicales y sociales, van entregase los Premios 'Ladrillo Rosa', 'Triángulo Rosa' y del XIII Concursu de Carteles de Xega.
 
El premiu añal positivu, el 'Triángulu Rosa', recayó nel Comité d'Empresa de 'Idees en Metal', pol so sofitu a una trabayadora mientres el so procesu de reasignación sexual. Mientres que’l Lladriyu Rosa', que critica les actitúes homófobes, recayó nel pub uvieín 'Filar', pola so actitú ante l'agresión d'una pareya homosexual nel so local. Amás, la organización premió a Emma Blanco nel concursu de cartelos que convoquen cada añu.
 
A les 21.00 hores va entamar la manifestación del Arguyu LGTB 2010, que va percorrer les cais de Xixón, dende la cai Xovellanos hasta la Plaza Mayor. Al finar l’actu, va lleese’l manifiestu del 2010, dedicáu a la igualdá de los transexuales.