Chupa Chups y el comité d'empresa retomaron la negociación sobre'l futuru de la factoría de Villamayor (Piloña). Nel alcuentru, la compañía plantegó a los representantes de los trabayadores retardar el zarru de la fábrica hasta’l 31 d’avientu.

"Zarrar agora l'espediente" de regulación y retardar el zarru de la fábrica, previstu pal 1 de setiembre, "hasta'l 31 d'avientu d'esti añu o hasta dempués" pa dedicar esi tiempu "a la busca d'alternatives d'actividá y empléu", fue la propuesta de Chupa Chups a los trabayadores, según indiquen dende los sindicatos.

L’Asociación de Vecinos de Celoriu “La Hoguera” vien de comunicar que’l Defensor del Pueblu yá abrió un espediente sobre 94 viviendes illegales construyíes en Celoriu. Denuncien amás qu’entá nun hai vivienda protexida na llocalidá llanisca.

El presidente de l'Autoridá Palestina, Mahmud Abbas, aseguró esti llunes que "facía les maletes" y abandonaría les conversaciones directes con Israel si'l Gobiernu hebréu nun vence n'algunos de los asuntos clave pa los palestinos.

El Presidente del Principáu, Vicente Álvarez Areces, vien de valorar la declaración que fizo ETA’l domingu de poner fin a les acciones armaes. Areces señaló qu’hai que tomala con “cautela” y la definió como “poco creíble”.

“El nivel d’esixencia debe ser l’abandonu definitivu de les armes y la disolución de la banda”, declaró’l Presidente de Principáu. Al empar, señaló que les palabres d’ETA hai que tomales “cola necesaria cautela teniendo en cuenta lo que sucedió históricamente”, mientres que s’opuso a “cualquier plantamientu que suponga negociar con una banda terrorista”.

La concentración “Pol futuru d’Asturies” del próximu 8 de setiembre sigue sumando apoyos. Esti fin de selmana agrupaciones polítiques llocales de Carreño, Corvera y Nava y la organización soberanista Fai! declararon que van dir al actu.

Unión Independiente de Carreño (UICA), Asturianistes por Nava (APN) y Más Corvera, fueron les tres últimes formaciones polítiques en sumase a la concentración “Pol futuru d’Asturies” el día 8 nos Xardinos d’El Náutico de Xixón. Nel actu, convocáu pola Plataforma Unitaria 8 de Setiembre, tamién van tar el Bloque por Asturies, UNA y AA.

El Diputáu y Portavoz del Grupu Parllamentariu del Bloque por Asturies, Roberto Colunga, vien d’unviar cartes a autoridades públiques d’España, Castiella y Lleón y Asturies, na que pide midíes pa evitar un “gravísimu atentáu” en ciudá de Lancia.

Yá entamó la cuenta atrás pal 8 setiembre y l’asturianismu ta presentando los sos actos pa celebrar el día del país. Xixón, Uviéu y Carreño son los llugares con convocatories alternatives a les programaes pol  Principáu en Ribeseya.

El Partíu Asturianista vien de facer pública la so postura de non participar na convocatoria de la Plataforma Unitaria 8 de Setiembre. Según el PAS, el planteamientu final nun-yos “paecía afayadizu” y por eso va celebrar el so actu cola URAS.

Pesie a que’l PAS esclaria que, a lo llargu d’una serie de selmanes, caltuvo negociaciones “cola voluntá de facer un Día d’Asturies o Día de la Nación unitariu”, al final nun van participar en nenguna iniciativa.

La izquierda abertzale y Eusko Alkartasuna tresmitieron a partíos, sindicatos y otros colectivos de nacionalismu vascu un documentu nel que se contemplaría la posibilidá d'un altu'l fueu d'ETA baxo verificación internacional.